Jarmundur

creature fear

2010-02-10T23:54:00.004Z

Þessi skilaboð fékk ég 7.febrúar síðastliðinn klukkan 02:36 frá manneskju sem á skype heitir marina_russia1:

Hello dear, do you remember how we communicated with you? Long ago you could not see, I am Marina - with Russia, do you remember me? Come to my page - let's talk, I'm waiting! http://55yy.ru/?idAff=141.

Alveg rétt, fyrir löngu síðan, þegar ég gat ekki séð, átti ég langt og gott spjall við rússnesku vinkonu mína Marinu! Ég var næstum búin að gleyma því, gott að hún minnti mig á það. Elsku Marina.

come on take my hand...

2009-10-15T23:47:00.005Z

Ég hef vanalega mætt mjög vel í skólann alla mína skólagöngu. Í grunnskóla var ég ein af þeim sem fór alltaf í pítsuveislu á hverri vorönn vegna þess að ég var með 95% mætingu eð meira. Svo hélt þetta áfram í menntaskóla og hef ég tvisvar sinnum fengið einingu fyrir mætingu. Ég skal þó viðurkenna að þetta fer minnkandi með árunum og þá sérstakelga seinleikinn. Ég á erfitt með að fara framúr á morgnana og mæti þar af leiðiandi oft á tíðum seint í tíma. Núna síðan skólinn byrjaði í haust hefur það nokkrum sinnum komið fyrir og líka að ég hafi einfaldlega skrópað. Ég leit á mætingarprósentu mína á INNU í gær, bjó mig undir svona smá eitthvað ekki nógu gott. Mér brá þegar ég leit á summuna, 100% ótrúlegt, ótrúlegt. Ég er, ef svo má að orði komast, með þessa kennara í vasanum, það verður bara að segjast. Til að styrkja mál mitt er ég með sönnunargagn.
Ég er að fara til Noregs á föstudaginn og verð fram á miðvikudaginn í vikunni eftir og fer suður á fimmtudegi. Ég á eftir að panta flug suður svo ég veit ekki klukkan hvað ég fer. Ég sendi Sigurlaugu Önnu, aðstoðarskólameistara, póst og bað um leyfir hluta af fimmtudeginum(enn óráðið hversu mikinn hluta), föstudaginn þegar ég fer og miðvikudaginn þegar ég kem heim.(það er vetrarfrí daginn eftir) Þetta var svar hennar:

Sæl Júlía.

Þú hefur alltaf mætt ákaflega vel þannig að þú átt þetta meira en skilið. Ég skrái leyfið á föstudegi og miðvikudegi og þú lætur mig svo vita hvernig fer með fimmtudaginn.

Góða ferð,
Sigurlaug Anna

Ég ætti kannski að kaupa einhverja bilað flotta uglu í Norge, til að slefa á þau vegna mikils sleikjuhátts og tryggja gott samband.

- Júlía Karlsdóttir 4.G-lifir

supertime

2009-09-24T18:53:00.006Z

Núna fyrir rúmlega þremur mánuðum þá var í gleðskap hjá einni ágætir stúlku. Ég var virkilega ölvuð og gleymdi einhverju heima hjá henni. Fór þunna daginn eftir að ná í einn hlut. Við rifjuðum upp vandræðaleg móment og ég endurheimti hlut minn. Daginn eftir fattaði ég að ég hafði gleymt gollunni minni. Ohh, hugsaði ég, ég verð að ná í hana. En svo leið tíminn og aldrei náði ég í þessa ágætu gollu mína.
Þetta var alltaf svona aftast í hausnum að flíkin væri þarna en aldrei hafði ég samband. Svo gerðist það í gær að ég mæti í skólann. Þessi ágæta stúlka situr fyrir framan mig og ég horfi á hana og hugsa: Hún er í gollunni minni!? Mikið rétt, þarna sat hún ánægð í nýju gollunni sem hún hafði eignað sér. Ég hafði ekki kjarkinn í að segja eitthvað við hana og vonast hreinlega til að hún sé ekki ein af leyndum aðdáendum Jarmunds.

- Kúlía

solomon

2009-09-19T01:03:00.003Z

Ég ligg uppi í rúmi með tölvuna í fanginu, klukkan er 1:03 og ég er í ágætis fílíng. kemur ekki þessi fluga og fer að fljúga fyrir framan andlitið á mér. ég slæ hana í burtu. þá finn ég kítl á handleggnum, flugan mætt, ég ýti henni af og hún dettur í rúmið. oj. því næst kemur hún á tölvuskjáinn hjá mér. ég reyni aftur og aftur að ýta henni í burtu en hún er eitthvað treg til. það endar með því að ég reyni að taka hana með fingrunum þar sem hún stendur á milli skjásins á tölvunni og lyklaborðsins og færa hana í burtu, í ruslið jafnvel. ég næ henni furðu auðveldlega og sé að eftir er einn lítill vængur á tölvunni. ég legg greyið á skrifborðið mitt og tek vænginn og hendi honum á gólfið. held glöð áfram í tölvunni en finn fyrir samviskubiti magnast. ég sleit vænginn af greyinu, sem liggur núna sárþjáð á skrifborðinu mínu. hún var bara að leika sér og hafa gaman af lífinu þegar risinn kom og reif af henni vænginn. það endaði með því að ég sagði fyrirgefðu. og því var beint til hennar.

tana.tene

2009-08-26T23:29:00.003Z

Ég er búin að missa blogghæfileikann. Hann var ekki ýkja mikill í upphafi en núna er hann enginn. núll. hvað er í gangi?
Þetta virðist vanta í mig ásamt því að vera fær um það að fara fram úr rúminu á morgnanna. Vekjaraklukkan hringir, ég ýti á snooze, hún hringir aftur, ég ýti á sama takkann, lít á klukkuna og sé að hún er 8:30 og ég á að vera mætt í vinnuna. Ég horfi á klukkuna í smá tíma,svekkt yfir því að ég muni vera sein, og stend svo upp. Ég klæði mig ekki á milljón heldur klæði ég mig bara og tannbursta fljótt. Mæti svo vanalega svona 10 mínútum of seint. En ef ég er að vakna við vekjaraklukkuna í fyrsta skipti klukkan 8:30 þá sprett ég upp og hugsa andskotinn ég verð sein og klæði mig hratt.
En ég þarf ekki að hafa áhyggjur af þessu því jú, ég kláraði sumarvinnuna mína góðu klukkan 21:45 í kvöld. Vann í 13 klukkustundir og 15 mínútur og fór í sund fyrir vinnu, eitthvða sem ég ætlaði mér að gera í allt sumar, gott að gera það síðasta daginn.Ekki misskilja mig þegar ég segist hafa farið í sund að ég hafi synt, því það gerði ég alls ekki, ég fór í pottinn, gufu og barnalaugina. Góður hringur sem ég fer vanalega þegar ég legg leið mína í sundlaug akureyrar. Ég borga núna.

bamm bamm

2009-07-15T20:35:00.004Z

Between you and Jaan Emran

Hi Julia, I am Emran. i live in malmo,Sweden.

Well i was just browsing and happen to see your profile, find you very beautiful and attractive. I am interested to know you better, of course if you would like so?
Take care.
emran

Já, af hverju ekki... ég ætla að senda honum póst til baka, það er klárt mál. Ég meina ef maður dæmir af þessum myndum, ríkur, myndarlegur og áhugaverður maður án efa.

cicero

2009-06-18T22:09:00.003Z

Ég er spennt fyrir afmælinu mínu. Ég verð 19 ára annan júlí. Í dag eru tvær vikur í það. Hættir maður einhverntíman að vera spenntur fyrir því? Það er gaman að fá hamingjusóskir frá fólki og gaman að halda upp á það helgina eftir, sem er raunin í mín tilviki. Vera í kjól og bjóða píum heim í allskonar góðgæti. GA man.

Það voru 50 ára afmælisstúdentar að gista hjá okkur á hótelinu núna í kringum sextándann. Ég lenti að spjalli við einn, hann kom inn í herbergið þegar ég og magga tagga vorum að skipta um á rúminu í herberginu hjá þeim hjónum. Konan beið frammi en hann ákvað að setjast á stól og spjalla. Hann byrjaði... Hún heimtaði að ég myndi skipta um föt... Hún ræður alltaf í hverju ég er... ert þú gift?
Af tóninum að dæma og því sem hann sagði í byrjun fékk ég það á tilfinninguna að honum þætti það ekki svo frábært. Þegar ég og magga lokuðum hurðinni heyrði ég í konunni, nei, vertu í þessum jakka... það er sautjándi júní! Ég hló og þótti strax smá vænt um þetta fólk. Hver veit nema ég verði í þessum sporum eftir fimmtíu og eitt ár.

Sama dag var ég ásamt öðrum stelpum að þrífa... ég opnaði eitt herbergi og hugsaði strax, hérna hafa einhverjir ungir verið. Ég dró þá ályktun vegna þess að í ruslinu voru þrjár bjórrútur, tómar, opinn flögupoki og brauðstangakassi. Næsta hugsun var að þau hafa komið ofurölvi heim á hótelið og fengið sér eitthvað að borða til að reyna að minnka komandi timburmenn. Svo fattaðist það, þetta voru jú mikið rétt, 50 ára stúdentar. Og hvað fannst undir koddanum? hálf étin samloka. Hver veit nema ég verði í þessum sporum? Í augnablikinu finnst mér það líklegra.

Ég haf aldrei hitt fólk sem er með allt jafn mikið á hreinu og þetta fólk. Ég hafði gaman af þeim.

Dirty dancing er ein af mínum uppáhalds bíómyndum. Ljúfir tónar í þeirri mynd. Þar á meðal þetta lag og cry to me... úff.

kaupangur

2009-06-09T20:40:00.003Z

Ég sofnaði í sólbaði hérna úti á palli fyrr í vikunni.
Allt í einu var ég mætt á klósettið í gagganum, Oddur bekkjarbróðir minn fór á klósettið við hliðina á mér. Ég heyrði að hann var að byrja að pissa svo ég ákvað að það væri í lagi ef ég gerði slíkt hið sama og byrjaði að pissa. Svo veit ég ekkert fyrr en ég hálfpartinn ligg á klósettinu og er að berjast við það að sofna ekki. Á meðan ég er alveg að detta í svefn sé ég að Helena systir mín góð hefur skrifað eitthvað á vegginn á klósettinu en ég sé ekki hvað stendur sökum þess að ég er alveg að sofna og að það var búið að mála illa yfir það. En ég þekkti bara hennar skrift.
Svo vakna ég úti á palli en opna ekki augun. Ég heyri í nágrönnum okkar í béinu að tala við pabba. Ég hugsa, ókei, af hverju eru ingi og anna að tala við pabba þegar ég ligg hérna nakin í sólbaði? og af hverju er pabbi hérna? hugsanirnar halda áfram, sjitt hvað ég skammast mín, ég vil ekki opna augun.vá maður. Ég byrja að reyna að halda fyrir mína líkamsparta á sama tíma og ég skil ekki neitt.

Svo vakna ég, erfiðlega, hreyfi hausinn til og frá og opna augun hægt, eins þegar manneskja í bíómynd er að vakna upp við vondan draum. Þetta er einmitt það sem það var, vondur draumur sem ég skil enn ekkert i.

digges sound

2009-05-09T19:19:00.004Z

Ég er komin með plan fyrir það hvað ég ætla að gera þegar ég klára ma á næsta ári. Ég vil samt ekki segja frá því í smáatriðum, ef það skildi ekki virka. En það hljómar ansi vel. Það felur í sér vinnu, reykjavík og útlönd. Ég hlakka til. en þetta gæti vel breyst ef ég fæ ekki vinnuna sem mig langar í.

Annað sem mig langar í er risíbúð. Allt unga fólkið sem ég veit um sem býr í reykjavík býr í risíbúð. Þetta er ótrúlegt. Fyrir utan þá sem eru á stúdentgörðum. En ég ætla mér ekki að vera á stúdentagörðum. Ú ú ú það eru spennandi tímar framundan.

Tímar sem eru einnig framundan og enn nær er útskrifarferð mín til tenerife. Vúhú. Smá leiðinlegt að ég sé að fara á sama stað og í fyrra, nákvæmlega, en það er samt fínt. Ég þarf ekki að eyða tíma mínum í einhverjar óþarfa skoðunarferðir þar sem ég hef skoðað allt sem hægt er að skoða áður. Eða fyrir utan rennibrautagarðinn, það var ekki búið að opna hann.

- Julio

p.s. titlar á síðustu sem og þessari færslu eru handahófsfengnar greinar af en.wikipedia.org

I would die for that

2009-04-21T23:37:00.005Z

Ástæðan fyrir því að ég er ekki búin að blogga í langan tíma er vegna þess að ég er í fýlu við blogger. Hann laug að mér, ég er ekki búin að blogga hundrað blogg.Idiot. Allavega ekki samkvæmt talningum minum. (En það á ef til vill ekki að treysta mínum talningum, ég hef klúðrað einhverju jafn auðveldu og meðaltalsreikningi.)

Ég sakna SVenna. Hann var svo góður. Svo gott að skjótast á honum eða keyra einn stuttan hring með honum þegar mér leiddist. Núna er hann kominn í hendur einhvers ökuníðngs. Greyið. Mig langar til að reyna að kaupa hann aftur einn daginn. Það verða glaðlegir endurfundir.

Ég hef ákveðið að bjóða mig fram í stjórnina sem meðstjórnandi. Áhættusamt þar sem að það eru allavega þrjár aðrar manneskjur að bjóða sig fram í þetta sama hlutverk, ef ekki fleiri. En ég hlakka til, hvernig sem þetta fer þá verður gaman.

- Húlla hringur

ó, hvað mig langar

2009-03-25T21:10:00.003Z

Þegar ég lendi í ævintýrum í lífinu þá gerast þau oftast þegar ég er í göngutúr.
Í dag lenti ég í ævintýri. Ekki vera of spennt, því þetta ævintýri var gömul kona.
Depill vildi ólmur þefa af henni og hennni fannst það ekki leiðinlegt. Sagði mér svo af litlum hundi sem hún hafði verið að passa. Hann var bitinn þegar hún var með hann í göngutúr, greyið. Ég sýndi samúð og svo skildust leiðar okkar. Hún sagði: "bless bless, það var gaman að sjá ykkur". Svona eins og við værum gamlir vinir sem höfðu ekki sést í langan tíma. Ég sagði auðvitað sömuleiðis og hélt ferð minni áfram.
Ég hef gaman af svona spjöllum við fólk sem er oftar en ekki í eldri kanntinum.

Ég býst nú reyndar við meiri ævintýrum í sumar, bæði í göngutúr, þar sem ég mun kannski endurnýja kynnin við gamla vini sem ég hitti alltaf í fyrra. já og vegna þess að aftur fékk ég vinnu á hinu margumtalaða hótel eddu. Myndarlegir gestir, skrítnir gestir og svo framvegis. Mörg voru ævintýrin í fyrra og flest voru þau skemmtileg.
Ég hlakka til. Nú svo mun ég ef til leggja land undir fót og fara á LungA, ég er meira en til í að fara þangað. Ég verð að hringja og biðja um frí þá helgi, minntu mig á það. Svo rétt fyrir haust fer ég í útskriftarferðina. Aftur til Tenerife. Það hefur sína kosti og sína galla og hlakka ég megavega mikið til.
Ég hef miklar væntingar til sumarsins, ég er að vona að þær standist, ef ekki, þá verð ég svekkt.

Litli glaði bollufíllinn fékk að vera með af því hann er svo glaður.

- Jarmundur

Pause

2009-03-17T23:53:00.003Z

Það er allt að gerast í dag. Erla að flytja suður, skólinn að sjúga og fleira (datt ekkert meira í hug en reddaði því með og fleira). Ég skal útskýra hvernig skólinn sýgur, heimspeki, sálfræði og fjölmiðlafræði ritgerð að skila með viku millibili og munnlegt próf úr brekkukotsannáli. Eftir að hafa byrjað að lesa þessa bók velti ég því fyrir mér hvort maðurinn hafi verið lesblindur. Ég er nefninlega að vinna þemaverkefni sem tengist fjö103, sál203 og upp103. Þríbrotinn bæklingur hér á ferð um lesblindu. hell yeah hann verður frábær.

Yfir í annað, þá gerum við greinarskil.(sem birtast ekki þegar ég ýti á view blog en hvað um það) Junk hólfið á póstinum mínum er oftar enn ekki fullt, núna í þessu augnabliki eru 10 póstar, ég ætla að deila með ykkur hvað er í junk hólfinu mínu, þetta er það sem stendur í subject dálknum (það stendur reyndar ekki subject fyrir ofan svo ég ákvað það bara.): Be bigger.. longer, S.I.Z.E.-D.O.E.S.-M.A.T.T.E.R-G.U.Y.Z, looking for u..., Be The Bigger Man, HEY-GUYZ-EN1ARGE-YOUR-PACKAGE-GUYS, 1NCREASE-THE-S1ZE-OF-YOUR-T00L-BY-TWO-OR-THREE-INCHES.
Af hverju fæ ég, kvenmaður póst með tilboðum um að stækka typpið.

Ég fór í göngutúr með Depil í dag og mér leið eins og ég væri hamingjusamast manneskja í heimi. Depill var laus og ég var laus og hljóp með honum. Veðrið var svo fallegt og svo hlýtt. Þetta var fullkomið. (þangað til depill fór eitthvað að vera með leiðindi en ég náði að leiðrétta þessa röngu hegðun)

Annars vil ég þakka Dr.Prick, ég var einmitt að hugsa að þetta væri orðið svo lélegt, hvort ég ætti ekki bara að hætta. En þetta blogg varð að koma, það er númer 100.

Sjúlla

wooden nickel

2009-03-02T20:41:00.003Z

Það er allt morandi í ástföngnum pörum í emma. Þau eru líka ekkert að fara leynt með það. Þau sitja í kvosinni í faðmlögum eða fara bara í einn sleik (sleik, mér finnst þetta alltaf svo kjánalegt orð eitthvað) svona áður en leiðar þeirra skiljast og þau fara í tíma. Mig langar til að æla á þau. Nei samt ekki, oftast finnst mér þau krúttleg. Samt ekki þau sem eru í fyrsta bekk. Þau eru svo mörg, pörin í fyrsta bekk að það er pirrandi. Kannski ég ætti að skrifa um þetta í Löðrungsgreininni minni. Og skrifa undir júlía bitra karlsdóttir. Það væri vel við hæfi.
Já, níðhöggur heitir ekki níðhöggur lengur heldur Löðrungur. Svalt?

Breyttir tímar framundan, toppur á miðvikudaginn og nokia 2630 hvítur eftir 3 - 5 virka daga. svalara.

- Júlla Kalladóttir

Ég man ekki hvað ég gerði við mína

Þú

2009-02-23T22:46:00.004Z

Skólinn, gotta love it. Nei. Ég get ekki beðið eftir því að honum ljúki núna í vor. Þá verður partý. Ef gert er stutt yfirlit yfir þessar fyrstu fjórar (?) vikur í skólanum þá einkennast þær af því að koma aðeins of seint. Það er einmitt það sem gerðist í morgun. Ég mætti og sá að það var opið í H5. Fínt, hugsaði ég, þá get ég bara farið inn og hann tekur ekkert eftir því (veit samt ekki alveg af hverju það er gott) Og ég skautaði hratt inn (skautaði af því ég var í sleipum sokkabuxum) var komin á mitt gólfið í kennslustofunni þegar hann leit á mig og ég sagði með góðri röddu hægt og smá brosandi af því ég vissi að ég var mygluð og sein "góðan daginn". Hugsaði á sama augnabliki, vá hvað það eru fáir mættir. Bjarni sagði ekki góðan daginn heldur: "ertu viss um að þú sért í réttri stofu?" ég hugsaði: af hverju er hann að gera mig vandræðalega og plata mig svona? og svaraði ráðavilt: "ha?" leit þá til hliðar og brá, "haeha" (ókei ekki alveg hljóðið) og tók létt stökk til hliðar þegar ég sá að þetta var alls ekki bekkurinn minn. Baðst afsökunar og byrjaði að skauta aftur á bak út úr stofunni. "Þetta er allt í lagi sko" sagði Bjarni. "heheh já.. heheh" (svona vandræðalegt) og fór.
Ég hló á leið minni í H2 til Sigurðar Ólafs þar sem bekkurinn beið mín.

Hey Kids, who needs constant electronic stimulation when there's ball in a cup?
Toss the ball, catch it in the cup, dump it out of the cup, toss it, and catch it in the cup again. The ball is on a string and attached to the cup, so there's no worry if you don't catch it in the cup. And clean up is as easy as catching a ball in a cup!
So why spend another day not catching a ball in a cup when you could be catching a ball in a cup! Ball in a cup... ball in a cup it's ball in a cup. Ball in a cup!

- Julio

got to be in it to win it

2009-02-09T21:49:00.004Z

Ég held að þetta sé bara eitthvað sem verður að gerast. Við erum búin að ganga í gegnum margt. Ég gleymdi þér í Danmörku, þar varstu einn og yfirgefinn, nokkrir dagar liðu þangað til þú snérir aftur til mín, ég missti þig í slabb, þar varstu í yfir viku að ég held, ég leitaði að þér en fann þig hvergi. En svo var mér tilkynnt einn góðan veðurdag að þú biðir mín uppi hjá Hlyni. ó, hvað ég var glöð. Þú varst þó í nettu rugli, titraðir þegar þú varst dauður og eitthvað í þeim dúr. Ég hélt svo að ég hafði gert út af við þig þegar þú fórst í þurrkara, þú komst brennandi heitur til mín en virkaðir jafn vel og áður. Svo hélt ég hafði týnt þér að eilífu þarna þegar ég vaknaði á laugardegi og þú varst ekki hjá mér. En um kvöldið fann ég þig aftur. Elsku Sammundur, mér þykir svo vænt um þig, við erum búin að vera saman í fjögur ár, eða næstum fimm, núna í sumar. Ég trúi ekki að ég sé að íhuga að fá mér nýjan. En þú ert, þrátt fyrir allt, búinn að bregðast mér of oft undanfarið, að deyja þegar ég er í mikilvægu samtali. Það verður erfitt að fyrir hinn að koma í þinn stað.
Þú mátt samt vita eitt, þó ég fái mér nýjan þá mun ég aldrei henda þér.

- Þýska vinkonan, Schulie.

Fílingur

Of mikið í gangi. Kristín perverto.

Elskulegur

no one but you

2009-01-20T17:44:00.003Z

Ég fór í fagnaðargöngutúr áðan. Hann var ekki eins skemmtilegur og ég hafði vonað. Það kom ekkert skemmtilegt lag. En ég var glöð samt sem áður. Af hverju? jú, prófatíðinni er lokið og ég er búin að fá fjórar einkunnir. Af þessum fjórum bjóst ég alveg við því að sjá fall í tveimur en allt kom fyrir ekki og ég fékk þrjár sjöur og eina níu takk fyrir pent. Og það var ekki í íþróttum. Ohónei. Orð fá ekki líst gleði minni. Núna tekur við skipulögð dagskrá sem felst í því að taka til í herberginu mínu, fara í plokkun og litun og kaupa eitthvað skemmtilegt handa sjálfri mér. heh.

Ég hef verið að hugsa um eitt í langan tíma. Að kenna einni stelpu í skólanum mikilvæga lexíu. Málið er að hún (ég veit ekki hver þessi hún er samt) skilur alltaf mjög flotta skó með nettum hæl eftir í skóhillunni. Skrítið finnst mér að þeim hefur ekki verið stolið. En það er einmitt það sem ég ætla að gera. Taka þá, fara í þeim út kannski einu sinni og svo skila þeim aftur. Stelpan panikar, hengur kannski upp auglýsingu en svo birtast þeir aftur. Eftir þetta mun hún aldrei skilja þá eftir aftur. Hún væri bara heppin ef ég myndi taka þá.

Á laugardaginn beibe.

Nafn: Júlía Karlsdótir Bekkur: 3. G

enginn

2009-01-18T20:54:00.007Z

Myndir segja meira en þúsund orð svo, þetta verður að duga.

href="http://3.bp.blogspot.com/_EGV-FhHkkug/SXOZ2bQAJPI/AAAAAAAAAWs/YJtMojaPdWc/s1600-h/P9040252.jpg">

href="http://1.bp.blogspot.com/_EGV-FhHkkug/SXOZ2JvLyFI/AAAAAAAAAWk/LZwxPlj0t2w/s1600-h/P9040243.jpg">

- Tjúlla

Lata letidýrið

2009-01-09T04:00:00.002Z

Mig langar til að klappa letidýri. Ég hef heyrt að það sé mjúkt og með fyndið andlit.

Ég er byrjuð í fimmtu prófatíð minni af átta. Vonandi kemur allt vel út og þetta verður búið áður en ég veit af. Ég veit ekki hvernig fer þegar ég reikna svo meðaltalið úr einkunnunum ég gæti þurft hjálp við það.

Ég get ekki hætt að hugsa um sumarið. Ég held það verði skemmtilegt. Það er eitthvað svo margt sem gerist. Ég verð vonandi að vinna á minni ástkæru hótel eddu já það er hún, ekki það. Ég er háð peningnum eins og ég hef nefnt við nokkra áður. Ég verð nítján ára. Þegar eg heyri af öðrum sem er nítján þá finnst mér það stórt en þegar ég hugsa um mig nítján þá finnst mér það fáránlegt og ekki passa við mig. Ég fer vonandi til noregs en ég hef verið að skoða flug og það kostar mikla peninga. Ég fer í útskriftarferð ekki ákveðið hvert og reyndar þá var ég líka búin að heyra að kannski förum við bara um páskana á næsta ári í staðinn vegna ástandsins í dag. Ég ætla að fjárfesta í nýju rúmi og mála rauðu veggina tvo í herberginu mínu. Ég hlakka til. Ég hlakka líka til að fara í göngutúra með depil í sól og sumaryl. Það er gaman að fara í göngutúra á sumrin. Hver veit nema ég fari þá að sjá aftur fólkið sem keyrði oft framhjá okkur núna síðastliðið sumar. Ég hafði gaman af því, mjög. Ég ætla að vera með myndavél á mér í sumar og festa skemmtileg augnablik á filmu eða nei ekki filmu, minniskort. Núna sé ég eftir því að hafa ekki verið með myndavél uppi við, þá ætti ég margar skemmtilegar myndir.

Mig langar að vita hvort að fólkið sem er svo skemmtilegt að kommenta á færslurnar mínar séu þau einu sem skoða það. Ég mun líklegast aldrei komast að því, ekki nema ég finni upp forrit sem virkar þannig að þegar þú skoðar síðuna þá poppar upp gluggi þar sem þú skrifar nafnið þitt og svo fæ ég skýrslu um það í tölvupósti hver skoðaði. Það er forvitnilegt.

Ég er farin að skrifa niður minningar í bók. Allskonar skemmtilegar minningar sem ég er hrædd um að ég muni gleyma. Það er svo leiðinlegt ef maður man ekki eftir einhverju skemmtilegu. Ég ætla vona að ég endist í þessu, það gerist nefninlega oft að ég byrja á einhverju svona eins og að skrifa niður vinnutímana mína en svo eftir nokkra daga hætti ég. Vonandi.

Júlía Karlsdóttir
Kúlía Jarlsdóttir

Fimman

2008-12-10T00:19:00.002Z

Ég var að rifja það upp í dag með henni Sigrúnu hvað ég var mikill aumingi þegar ég var í grunnskóla. Ekki það að ég sé ekki aumingi lengur en ég hef þó eitthvað orðið sterkari. Til að undirstrika þetta er ég með nokkur dæmi:
Mér fannst óþægilegt að vera inni í stofunni í frímínútum af því ég var hrædd um að strákarnir í bekknum myndu gera eitthvað þannig að við mundum lokast inni í stofunni.
Ég var aldrei með í hólastríði, ég vildi ekki meiða mig.
Ég var sjaldan með í löggu og bófa, en samt stundum. Þá voru svölu strákarnir í bekknum oftar en ekki spilltar löggur sem frelsuðu mann.

Eftir að hafa rifjað þeta upp rann það upp fyrir mér hvað ég var leiðinlegt barn. Ég lifði alls ekki hættulega í þá daga, ólíkt því sem ég geri nú.

Ég hef verið að hugsa um framtíðarplön mín eftir MA og ég hef ákveðið það. Ég ætla að verða leigubílstjóri. Sounds like a plan? Það held ég nú.

- Júlía

p.s. Ég hlakkaði svo ótrúlega mikið til að hitta þig um jólin, ég hafði líka fréttir að færa sem ég held þú hefðir hlegið að og jafnvel verið hissa.

Vetur

2008-11-24T02:18:00.005Z

Ég er vakandi. Það er ekki af þvi ég get ekki sofnað, það er út af Claude Monet. Mig vantar betri upplýsingar um hann. Ég get fengið þær á morgun en það verður tæpt. En þetta mun reddast, það bara hlýtur að vera. Reddast ekki alltaf allt? Jú, svona eiginlega, þegar ég hugsa út í það. Maður lendir í ógeðslegum aðstæðum en það reddast, maður nær að koma sér út úr því. Það eru bara óheppnar manneskjur þar sem aðstæðurnar reddast ekki. Ég kýs að halda að ég sé heppin.

Ég var að hugsa um það um daginn að ég er átján en mér finnst ég samt vera svo lítið og barnaleg. Ég held ég hafi talað um þetta áður en ég hef bara mikið velt þessu fyrir mér. Þegar systur mínar voru á þessum aldrei átti ég ekki til orð yfir svalleika þeirra og stærð. Mér finnst eins og fólk hugsi alltaf um mig sem litla, sama hvað ég er gömul. Aldur er skrítið fyrirbæri. Systur mínar 20, 23 og 28. Þetta eru alveg ágætlega háar tölur en mér finnst þær alls ekki vera gamlar. Þetta er bara tala. Það er samt svo marg sem að tengist aldrinum. Eða reglur, útivistartími, áfengis- og tóbakskaup, skemmtanastaða inngönguleyfi og margt fleira.

Æi ég er farin að rugla bara.

Claude bíður mín.

Oil on canvas. water lily pond

create

2008-11-19T21:42:00.003Z

Úff. Ég var að horfa á afmælismyndbandið hennar erlu k þegar það helltist yfir mig. Það helltist yfir mig hvað ég elska systur mínar. Ég var ekki bara að fatta það þarna að ég elska systur mínar heldur hvað mér þykir ótrúlega mikið vænt um þær. Skiljið þið hvað ég meina? Ég hlakka svo geðveikt til þegar við gerum eitthvað næst allar fjórar saman. Justin mun auðvitað lifa í hjörtum okkar að eilífu en á næst komandi árum (sem sagt fljótlega) verðum við að gera eitthvað, þó það sé kannski aðeins minna heldur en Justin, bara útilega er nóg.

Ég varð að koma þessu frá mér. Ég nennti ekki að hringja í ykkur allar og segja ykkur frá þessari uppljómun.

- Júlía

n g a

2008-11-11T10:14:00.007Z

Ég kom heim í gær frá Noregi. Það var frábært í Noregi. Við gerðum margt þó aðallega ekki neitt. Við fórum að versla í Skien, skoðuðum Ferieland og tókum sól í Bö. Á laugardaginn var lítið teiti sem var í huga mínum og Helenu í tilefni af tvítugsafmæli okkar ástkæru Erlu. Veivei til hamingju, P.earl. Nokkrir af vinum hans Kittils komu í rauða húsið

og svo klukkan rétt um ellefu, já, ekki klukkan hálf tvö eins og vaninn er hérna, héldum við út. Við gátum því miður ekki farið á dansstað vegna þess að einn aðaili gleymdi að hafa skilríki með sér. Já, það var ég. En allir voru samt sáttir og saman héldum við á bar með fullt af gömlu fólki og spiluðum pílu. Og hver haldið þið að hafið unnið?

Já, ég.

En það var kannski vegna þess að ég stóð hér..

.. en hér átti maður að standa. En ég var ekki leiðrétt og ég fékk bjórglas í verðulaun. Takk fyrir.

Í lokin ætla ég að henda með nokkrum myndum af eplum, ferielandi, partýi, hvíta húsinu og helenu og júlíu. Njótið vel.

dansaðu með mér

2008-11-04T18:28:00.001Z

5. - 10. nóvember...

Verið þið sæl,

Júlía

Hammraborgin mín

2008-11-01T22:20:00.004Z

Ég fór í svo skemmtilegan göngutúr. Það var ekki leiðin sem var svo skemmtileg heldur útvarpið. Það kom ekki eitt leiðinlegt lag á þessum um það bil einum og hálfa klukkutíma sem ég labbaði um götur bæjarins. Og það sem meira er, lögin þrjú sem eru í uppáhaldi hjá mér þessa dagana komu öll. Það byrjaði að ég var í forstofunni og ég setti útvarpið af stað þá, akkúrat, var use somebody með kings of leon að byrja, það gladdi mig svo mikið að ég ákvað að drífa mig af stað svo ég gæti labbað með lagið í eyrunum. Eftir það lag kom annað skemmtilegt. Eftir það lag bjóst ég við því að það kæmi eitthvða leiðinlegt þungarokk því mér finnst ég ekki oft lenda í því að það komi mörg skemmtileg lög í röð á x-inu. En ég hafði rangt fyrir mér. Það kom inní mér syngur vitleysingur og ég gladdist aftur. Þegar á leið gönguna kom lag sem var ekkert í uppáhaldi svo ég freisti gæfunnar og skipti yfir á fm og viti menn, eina góða lagið sem þau spila og eitt af mínum þremur, var akkúrat að byrja, sex on fire með kol. Ég hækkaði í botn og brosti út að eyrum. Svo skipti ég strax um stöð og hugsaði um leið: "vá, núna þyrfti bara det snurrar i min skalle að koma og þá yrði þetta fullkomið". Eitt lag leið og hvað haldiði? Lagið byrjaði. Ég hló af gleði og hækkaði á nýjan leik í botn og söng illa með sænsku orðunum.
Merkilegt hvað tónlist getur haft svona mikil áhrif. Ég elska þegar ég er að hlusta á útvarpið og það kemur lag sem mér finnst vera skemmtilegt. Mér finnst það vera tilviljun og örlög að ég sé einmitt að hlusta á útvarpið á þessum tímapunkti.

Jæja, Noregur eftir fjóra daga, JESS.

Julia Gulia

p.s. Ég væri til í að vera Samantha Jones einungis vegna Smith. Hann gerir endalausa "ohh" hluti fyrir hana.

charlemagne

2008-10-30T10:06:00.002Z

Ég var að koma heim eftir að hafa verið skjálfandi í einhverjum tækjum í ræktinni. Ég var ekki alveg skjálfandi en kannski næstum. Ég held ég sé í the bottom three hvað varðar styrkleika í bekknum. Núna tekur við fimmföld eyða. Ójá elskan, fimmföld. Og svo tveir náttúrufræðitímar. Af hverju skrópar hún ekki bara í náttúrufræði? er ef til vill spurning sem dettur í kollinn eftir að hafa lesið þetta. Svarið við því er einfalt, það er gaman í náttúrufræði. Kennarinn er frábær og krúttleg. Ég kannski bara hlakka til að fara í náttúrufræði. Neei þarna fór ég algjörlega framúr sjálfri mér.

Núna eftir sex daga verð ég komin til Noregs. Ég nenni eiginlega ekki að fara þangað. GRÍN. ég hringi ábyggilega í Helenu á hverjum degi til að segja henni hvað eru margir dagar þangað til yngsta og besta systir hennar kemur í heimsókn. Ég get ekki beðið. En ég hugsa þetta þannig: Helgin er alveg að koma og hún verður fljót að líða og vonandi skemmtileg svo eru það bara mánudagur og þriðjudagur. Vúhú!

Jæja, tími til kominn að skrúfa fyrir þetta.he he.

Júlla

mannbroddar

2008-10-20T19:05:00.003Z

Ég var í þrefaldri eyðu í dag af því það var engin saga. ég veit ekki hvort það var gott eða slæmt, bara að fresta því óumflýjanlega. Ég sofnaði í eyðunni. Svo vaknaði ég við það að ég gat ekki andað almennilega af því að pabbi var að pota í naflann á mér. Ég hata þegar það er gert. Og þetta var svo ógeðslega óþægilegt ég var svo þreytt að ég gat ekki opnað augun og heldur ekki sagt neitt svo hann mundi hætta. Og hann hélt alltaf áfram að pota lengra og lengra og ég hélt að ég væri að deyja sökum þess að ég náði ekki andanum. Svo hætti hann og ég hélt áfram að sofa. Svo kom hann tvisvar sinnum og gerði þetta. Aftur kom sama tilfinning, ég náði ekki andanum og það byrjuðu tár að myndast. Þetta var svo vont og óþægilegt oj, ég get ennþá fundið tilfinninguna. Oj barasta.
Sem betur fer náði ég að vakna frá þessari hræðilegu martröð klukkan 12:17 og átti að mæta í tíma 12:20. Þetta var einn versti draumur sem mig hefur dreymt í langan tíma.

- Júlía Karlsdóttir sem vaknar ekki þó þú komir inn og ferð í sturtu um miðja nótt.

want

2008-10-14T22:53:00.005Z

Samkvæmt samdrykkjunni eftir platon þá var einu sinni til kyn sem heitir karlkvendi. Það er manneskja með fjórar fætur, fjórar hendur og svo framvegis. Guðirnir skáru þessar manneskjur í tvennt. Eftir það var eiginlega allt ómögulegt og reyndu þær að krækja sig saman í von um að gróa saman aftur í eitt. En þær gátu ekki lifað án hvor annarrar og enduðu með því að deyja. Þaðan er sú hugmynd komin að í lífinu erum við alltaf að leita að manneskjunni sem við eigum að vera með, sú sem fullkomnar okkur svo saman getum við verið karlkvendi.
Já, þetta lærði ég í sögu. Það er gaman að geta talað um samdrykkjuna eftir platon svona eins og ég viti eitthvað um þetta en í raun veit ég voða lítið. Þetta er samt gaman.

Annars þá er margt í gangi á komandi dögum..
Skila Sálfræði verkefni um the big five á föstudaginn.
Skila náttúrufræði verkefni um fæðuofnæmi á föstudaginn.
Bekkjarhittingur á laugardaginn.
Meiri meiri ostur brauð á föstu- eða laugardag.
Skila ensku verkefni úr Animal Farm á föstudaginn 24. okt.
Meningarferð til borgar óttans þá sömu helgi.
Afmæli móður 29. október.
Leikhúsferð 30. október
Noregsferð 5. nóvember!!!!!!!!!!!!!!!!!
Tvítugs afmæli örl my favorite görl 8. nóvember.

Frábærir tímar framundan. Tímarnir okkar.

- Júlía

p.s. ég gleymdi að fara aftur til stelpunnar. greyið, ég er með smá samviskubit en ég vona bara að ég hitti hana aftur.

crap a eða kreppa?

2008-10-07T23:17:00.006Z

ég fór í göngutúr í dag. Í fyrsta skiptið í svona tvö ár. nei, nefninlega ekki, ég er meira eða minna búin að fara í göngutúr á hverjum degi í tvö ár. Í göngutúrnum í dag eignaðist ég nýja litla vinkonu. Hún var að leika sér í sigurhæðum og sýndi mér fræ af blómi sem ég var svo heppin að mega eiga. Svo fræddi hún mig um það hvað ég ætti að gera við fræið og hversu mikla mold ég ætti að setja og svoleiðis. Svo sagði hún: "komdu aftur á morgun". Ég vildi ekki lofa greyinu of miklu svo ég sagði til baka: "já, ég kannski geri það" og brosti til krúttsins. Já, hún var krúttleg.

Það var svo geðveikt skemmtilegt síðasta föstudagskvöld. Ég borðaði einhvern afbragðsgóðan mat og fór svo aðeins niður í herbergi. Klukkan var á milli sjö og átta. Ég vaknaði aðeins klukkan eitt við að mamma tilkynnti mér að hún væri farin að sofa. Ég vaknaði svo aftur klukkan um tvö háttaði mig þá loksins og tannburstaði. Ég var vakandi til um hálf fimm þegar ég sofnaði aftur og vaknaði svo endanlega klukkan eitt. Ég svaf í um það bil 13 klukkutíma.
Ég get farið að sofa kannski í kringum ellefu um helgar en þegar það er skóli daginn eftir þá er ég að hangsa þangað til klukkan er svona í kringum eitt og fer þá að sofa. Vakna siðan í ruglinu daginn eftir og held að ég eigi ekki að mæta í skólann og veit ekki hvar ég er einu sinni, eins og núna í morgun, en tekst samt að vakna og mæta í skólann.

Ég hata smjörflugur. Þær hanga fyrir utan hjá manni og maður reynir eins mikið og maður getur að fá þær ekki inn en svo þegar maður er að fara að sofa þá allt í einu flýgur ein rétt fyrir ofan mann. ógeð.

j ú l í a

z

2008-10-06T00:00:00.004Z

Við fórum að keyra áðan. Ég ákvað að ryksuga bílinn aðeins i dimmunni. En það var allt í lagi ég tók svona það helsta og henti öllu ruslinu sem var komið í svenna. Á meðan sat hann aftur í og þagði bara, eins og hann væri ekkert mikið var við suguna. Svo héldum við áfram að keyra. Þetta var eins og í leigubíl af því ég sat ein frammí en hann sat bara afturí sama hvað ég reyndi að fá hann frammí. Fyrst hlustuðum við á útvarpið en föttuðum allt í einu að sprengjuhöllin var í bílnum svo við hlustuðum á það og ég söng hátt með en eins og fyrr þagði hann bara. Þetta var ekki langur rúntur um bæinn og þegar við komum heim þá ákvað hann að láta eins og asni og gelta hástöfum á manninn í vanabyggð 4 a. Hann var sem betur fer í bandi og ég skammaði hann.
Hann er ágætur greyið.

Þeir heita báðir Depill. ká err útt

sex on fire

2008-10-01T21:43:00.003Z

Ég var að koma úr skemmtilegasta skokki sem ég hef farið í. Það byrjaði á að ég mætti nokkuð myndarlegum ungum manni sem var úti að hlaupa með hundinn sinn og sagði eitthvað en ég heyrði ekki hvað það var en sagði samt góða kvöldið til baka? Við mæðgin vorum að skokka stígin sem er fyrir neðan hlíðabraut vá hvað það var gaman. Depill var nett trylltur og það var svona smá dimmt af því það voru engir ljósastaurar en samt skein smá birta frá götunni og ég heyrði ekki neitt nema skemmtileg lög sem hemmi feiti var að spila á x-inu, já, hann spilaði skemmtileg lög allan tíman. Já og svo snjóaði eins og helt væri úr saltstauk og ég hljóp meira en ég hef ábyggilega nokkru sinni gert þegar ég fer út að skokka. Ég auðvitað ældi næstum því af því ég var svo móð en mér var alveg sama því ég heyrði bara í útvarpinu.

- Júlía Garcia Del Rea

mango

2008-09-27T18:59:00.003Z

Systur, þið skiljið mig.

Frá því klukkan kannski fjögur í dag var ég búin að undirbúa mig fyrir það að fá hakk og spaghettí í matinn. Ég heyrði nefninlega pabba tala um að honum langaði í það og við fórum í nettó og keyptum hakk. Ég var ekkert geðveikt ánægð yfir þessum mat en sætti mig svosem alveg við það. Var oft búin að svona fá hakkbragðið upp í mig. Svo núna fyrir um hálftíma eða svo kallaði pabbi í mig og sagði mér að veislan væri byrjuð. Ég hló létt á leiðinni upp stigann og kom inn í eldhús, sá mömmu sitja við eldhúsborðið og það eina sem ég sagði var: ha!? nei! hvað varð um hakkið og spaghettíið?! ha, sögðu þau og hlógu, það átti aldrei að vera í matinn. Jú, sagði ég, ég heyrði pabba segja það áðan að hann langaði svo í það. Hahah nei, sögðu þau, hann sagði hakk og spælt egg. Frábært. Því það sem beið mín að eldhúsborðinu voru buffbollur og spæld egg. Ég hef sjaldan verið jafn svekkt.

- Júlli

syndaselur

2008-09-25T17:12:00.003Z

Ég er að fara að byrja í myndlist 173 eftir áramót. Ég valdi það vegna þess að mig langaði til að fara í ágætlega auðvelt val og svo einnig vegna þess að erla hvatti mig til að velja þetta, sagði að þetta væri geðveikt gaman og bauðst í eitt skipti til þess að kenna mér að teikna andlit sem ég þáði aldrei, sorrí örl. Alls ekki vegna þess að ég bý yfir gífurlegum teikni hæfilekum. En ég hugsaði um það um daginn. Ég hef tvisvar sinnum farið á einhverskonar námskeið í myndlistaskólanum. ha?! Það skilaði mér engum árangri. Ég man ekki hvað ég var gömul en ég var kannski í kringum sjö eða átta ára. Ég man eftir einu atviki þar sem að kennarinn, Rósa, kom með bangsa sem við áttum að teikna eftir og ég man sérstaklega að ég var í miklum vandræðum með það hvernig ég ætti að teikna partinn á milli fótanna á honum, ég sat og velti þessu mikið fyrir mér. Svo hafði ég lokið við teikninguna og man að ég var ekkert sérstaklega ánægð með hana en við áttum að hengja myndirnar upp á vegg. Þegar tíminn var búinn stóð ég fyrir aftan hóp af krökkum sem var að skoða myndirnar af bangsanum þegar einn krakkinn úr hópnum benti á mína mynd og sagði: hah, sjáiði þessa mynd, það er eins og hann sé með typpi. Ég stóð fyrir aftan og varð mjög leið og skammaðist mín fyrir myndina.

Þetta var sorgleg saga úr æsku minni. Að gleðilegri málefnum: Frí á morgn=löng helgi. Jess.

- Húlla

oh no you didn't

2008-09-18T23:01:00.004Z

Ég fór út áðan til að fara í strax borgarbraut og kaupa mér lítið svart mjúkt nammi. Ég fann mikla vetrartilfinningu þegar ég fór út. Enda var snjór í fjöllunum í morgun. Ég held það styttist í fyrsta vetrardag eða nei, ég held hann sé í október. En því næst fór ég að hugsa um að ég hlakka til að fara í göngutúr í snjónum, hægri snjókomu og hlusta á skemmtilega tónlist.
Davíð Oddsson var í fréttum áðan. Ég hlustaði ekki á það sem hann hafði að segja en ég pældi í því, var hann ekki með krullað hár? hann var nefninlega með slétt grátt hár.

Úff ég er mikið að biðja mömmu um að taka eina mál til komið bók heim með sér úr skólanum á morgun. Eða kannski á ég eina ofan í kassa, ég átti allavega einu sinni.kannski skilaði ég henni. En ástæðan fyrir því er að ég finn að mér fer versnandi í stafsetningu. Ég sleppi oft að segja frá einhverju á blogginu mínu af því ég man kannski ekki hvernig ég á að skrifa orðið. Ég skammast mín eiginlega fyrir það og finnst það um leið leiðinlegt.

Nei, ég var að fatta að ég verð að update-a jarmund. ég er ekki lengur í öðrum bekk. Ónei, ég er komin í þann þriðja. Þetta er alltof fljótt að líða. Ég hef ekki hugmynd um hvað ég ætla að gera eftir ma. Alls enga bara. Ég ætla ekki í skóla held ég samt. Allavega ekki eins og staðan er í dag. Þá verð ég 20 ára. Mér finnst það vera stórt og langt í burtu þegar ég segi það en í raun er það rétt handan við hornið. Það er að hellast yfir mig hræðsla við framtíðina. (vandræðalegt edit: ég fattaði það eftir að ég var búin að ýta á publish og var að skoða bloggið að það stendur ekki í hvaða bekk ég er hérna á jarmundi.og hefur ekki staðið í langan tíma. ég var búin að gleyma því. því er engin þörf á að update-a greyið, hann er fínn eins og hann er.)

Það er strax kominn fimmtudagur og á morgun er föstudagur. Mér finnst eins og það hafi verið laugardagur í gær. Kannski af því að laugardagurinn var skemmtilegur og ég hef oft hugsað um skemmtileg atvik sem gerðust á laugardaginn í vikunni. Á morgun er laugardagur á morgun. Þá mun ég halda til teits. Ég hlakka til. Við systkinin úr bekknum munum hittast. Ætli það verði jafn gaman og síðasta laugardag, það er spurning sem ég fæ fljótt svar við.

Þetta var átttugasta færslan mín. Leiðinlegt að hún var ekki betri en þetta. Ég er í þreyttu tuð skapi sem lýsir sér þannig að ég segi frá ómerkilegum hlutum eins og þetta blogg einkennist af.

Ég verð að lesa.

- Skull

wenn ich ein junge wär

2008-09-11T18:23:00.006Z

Það er gott að vera komin heim. Gott að líta í spegilinn og sjá ekki glansandi andlit. Gott að geta setið og brotið saman þvottinn minn og svitna ekki eins og manneskja með ofvirka svitakirtla. Gott að tannbursta mig og finna ekki bara enga klórlykt af vatninu heldur getað drukkið það líka.

Ég keypti ágætis slatta af fötum, ekkert of mikið vegna þess að ég ætla að kaupa meira í noregsferð minni. Í gær kom ég heim og fór í göngutúr með son minn. Langaði til að prófa eitthvað af nýju fötunum svo ég fór í öklastígvél og nýja sæta kápu. Ég skoðaði kápuna vel til að athuga hvort það leyndust nokkuð verðmiðar því það væri jú leiðinlegt að labba um með verðmiðann hangandi á. Þetta var það sem ég hugsaði. Ég fann verðmiða og sleit hann af. Labbaði af stað og var búin að vera úti í aðeins meira en klukkutíma þegar ég ákvað að halda heim á leið. Ég þurfti að koma við í vinnuni hjá mömmu til að ná í lykil. Labbaði inn í forstofuna í skólanum, fór úr skónnum. Hvað blasti við mér annað en verðmiði hangandi úr hægri skónum. Nei, ég er búin að labba um flestar götur bæjarins glöð og ánægð með lífið í rigningunni með verðmiða á mér. Ég sá sem betur fer grín hliðina á þessu og hló og skammaðist mín lítið.

Þegar ég hef klúðrar lífi mínu og vill byrja að nýju þá ætla ég að flytja til truth or consequenses fólk flytur oft þangað to make a fresh start.

Ég er með brúnt hár með ljósum stípum. Ímyndaðu þér og hlakkaðu svo til að sjá mig með nýja hárið.

- Julia Gulia

p.s.

bazar

2008-09-02T16:00:00.002Z

Sídustu dagar hafa einkennist af sólbadi og hamingju og nettum bruna á handleggjum en engar áhyggjur tad svaedi er bara brúnna núna en restin af handleggjunum svo tetta er allt i godu. Dvolin herna uti er buin ad vera mjog gód og hafa toluvert af skemmtilegum atvikum gerst.

- Vaknadi i mesta rugli eina nottina vid tad ad kristín var uppi í rúminu mínu og ég heyrdi bara ordid kakkalakki. Ég fór fram úr med margréti og kristínu og vid fongudum hann i glas, tvo réttara sagt til ad tryggja ad hann slyppi ekki.

- Hatadar og hótad lífláti af nágranna okkar. hún sagdi: oj! oj! i`m trying to sleep here, shut it. og thóttist skera sig a hals med fingrunum.

- hatadar af dyraverdi sem var tess leidandi ad vid komumst ekki inn á tvo af thremur klúbbum sem eru hér í nágrenninu.

- elskadar af tveim thjónum á tony roma`s sem var tess leidandi ad vid fengum 10 % afslátt af matnum okkar.

- elskadar af tveim barthjónum á Harry`s sem vard til tess ad vid fengum fría sangriu. Raudvin og eitthvad sull blandad saman. Eiginlega ekki gott en vid vorum kurteisar og neiddum tetta ofan i okkur.

- fór í tvofaldann raudan london straetó fyrir born med fannyju. Fanny setti pening i og vid vorum bysna spenntar. tad sem gerdist var BÍÍÍÍÍBBBB, já, hátt hljód sem vagninn gaf frá sér tví vid vorum of thungar fanný var ekki lengi ad henda sér út á medan sat eg einn og vaggadist til og frá, kramin inni í straetónum.

- Fórum á costa adeje svaedid sem er vid hlidina a okkar til ad hitta Giuseppe, ítala sem vann vid ad koma ferdamonnum inn a veitingastad, DA ANGELO, af hverju til ad hitta hann? tvi kvoldid adur haetti greyid madurinn ekki ad tala vid okkur. og sagdi ad vid tyrftum ad koma tangad. Vid gerdum tad. turftum ad taka taxi til ad komast tangad tvi tetta var a odru svaedi. saum a leidinni ad tad var KFC a tessu svaedi og akvadum ad fara tangad naesta dag. tegar vid komum var vinur okkar giuseppe (joseph) buinn ad týda fullt af ítolskum ordum yfir a íslensku greyid madurinn var yfir sig anaegdur ad vid komum en tetta var nett vandraedalegt. hann bara fann ekki fyrir tvi.

- forum daginn eftir a KFC. tókum tvo leigubila og keyrdum svo framhja og bara ohh.. sogdum vid bilstjorana ad just stop now. tau skildu ekki alveg en stoppudu svo og vid lobbudum svo sma vegalengd til ad fara a stadinn. Eg sa skiltid og aetladi ad labba inn. sa ad a matarauglysingunum fyrir ofan afgreidslubordid voru engir kjuklingar enda kjuklingaborgarar. fannst tetta heldur betur skritid og leit aftur a skiltid fyrir utan. tá fyrst sá ég ad vid hofdum verid blekktar. Tetta var ekki KFC en vid vorum látnar halda tad tvi tetta voru hvitir stafir a raudum bakgrunni. en svo stód fyrir nedan: Kebab Food Center. Svekktar funum vid naesta macdonalds stad og tókum svo leigubil heim.

- Júlía Karlsdóttir sem kemur heim í systralaust hús thridjudaginn 9. september

Sem betur fer

2008-08-17T23:17:00.005Z

Ég fór í klippingu um daginn. Það er reyndar alveg mánuður síðan en það getur talist sem um daginn. Ég fór inn og svo kom ég aftur út, ekkert svo ánægð. Svo kom ég heim og ég mundi ekki alveg hvað ég hafði í raun beðið um. Ég fer bara í blakkát þegar ég fer í klippingu veit ekki hvað ég bið um og kem óánægð út. Ég er samt búin að venjast hárinu núna en ég verð samt smá svekkt þegar ég sé stelpur með sítt hár.

Ég er að fara eftir eiginlega átta daga, því það er svo stutt í það að 18. ágúst komi, út til Tenerife með stelpunum. Úff. Það verður skrítið og skemmtilegt. Allt í einum pakka. Ég hlakka til en ég er líka stressuð. Við verðum living on our own þarna úti. Sólbað á hverjum degi og hlýralausir kjólar og berleggjaðar. Strönd, bar, verslunarmiðstöð, sundlaugagarður. Þetta bíður mín.

Nýjar fréttir, nýjar fréttir. Annað sem ég get talið niður eru fjöldi daga sem eru þangað til ég fer aftur til útlanda en það er ekki sólarland í þetta skiptið heldur er það land grænna skóga, að mér skilst, land frænda okkar norðmanna. Gvarv, Lindheim, loksins fæ ég að sjá þetta. En ég mun ekki sjá allt grænt heldur allt hvítt en hverjum er ekki sama. Aðalmálið er auðvitað að hitta hana Helenu Hafþórs. Mína elskulegu systur sem dvelur hjá þeim norðmönnum á Lindheim. Ég get alls ekki beðið.

Hvar á ég að sækja um vinnu í vetur?

- Júlía Karlsdóttir

Summertime

2008-08-14T20:14:00.002Z

Þetta er í fyrsta sinn sem ég blogga úr nýrri og betrum bættri Logan. Hún skemmdist. Harði diskurinn fór but she's back. Back in the New York groove(?) Ekki lengur smá brotin og með hreinu og skrítinni áferð lyklaborð. Þetta eru góðu þættirnir. Þeir slæmu eru að allar mínar myndir eru farnar. Myndirnar sem ég og Justin tókum þegar við vorum í Danmörku, gone, baby it's gone... boy it's gone. Allir þættir, forrit og bara bókstaflega allt er farið en ég var ekki lengi að gera desktopið aftur eins, með mynd af mr. handsome úr gucci auglýsingunni og svartan bakgrunn.

Það er allt orðið svo dónalegt. Texti við eitthvað leiðinlegt lag... when you're going down on me inbetween the sheets.. svona er brot úr laginu
Og einföld kaffiauglýsing, eitthvað instant kaffi frá gevalia með daim bragði. þetta er ekki orðrétt en einhvernveginn svona er auglýsingin.
maður: vaknaðu...
kona: æi, þú veist ég drekk ekki kaffi.. og blóm.. hvað gerðiru af þér?
mmm þetta er ótrúlega gott.
maður: já, héðan í frá stundum við kolefnisjafnað kynlíf svo þú ræður því hversu oft þú færð blóm.
kona: úú komdu og talaðu aðeins við mig og förum svo aftur í blómabúðina

Þetta hætti að snúast um kaffi fyrir 5 mínútum.

Ég hef nokkrum sinnum farið í nettó í þeim tilgangi til að kaup mér corny. Það hefur ekki verið til. Og blátt er örsjaldan til. Ég verð alltaf fyrir jafn miklum vonbrigðum. Ég varð því afar ánægð þegar ég gat keypt corny BIG í fosshóli í mývatnsferð okkar vinnufélaganna um daginn. En mig langar i blátt. Mig langar í margt.

modern romance

Drellir

2008-07-30T21:56:00.002Z

Ég og Örmula K erum einar heima, móðir og faðir eru úti í Noregi hjá Helenu og Kittil. Við höfum aldrei verið einar heima svona lengi og mér líður smá eins og ég sé ein, Erla er alltaf á kvöldvöktum og hún er farin í vinnuna þegar ég kem loksins heim sem þýðir að ég borða ein. Matseðill minn hefur verið afar góður síðan þau fóru á sunnudaginn. Subway, pasta með misheppnaðari piparostasósu, grillaðar pylsur eða grillur eins og sagði óvart við föður í símann áðan og svo brauðstangir frá tikktakk núna í kvöld. Næringarríkur kvöldverður á hverjum degi.
Þegar ég kem heim úr vinnunni fer ég út að skokka með depil, margréti og sigrúnu svo fer ég í sturtu, mér leiðist svo ég fer aftur út með depil. Og ef klukkan er ekki margt, þá fer ég einu sinni enn út með depil. Ef ég og Depill verðum ekki búin að missa nokkur kíló á þessum vikum þá verð ég virkilega svekkt.

Það sem ég hyggst gera á morgun er að elda mér eina kjúklingabringu og gera deig til að borða í eftirrétt. Ef þig langar til að vera með verðuru að hringja tímanlega og panta sæti, aðeins takmörkuð í boði og fyrirvarinn er stuttur.

three is a magic number, yes it is bammbammbamm ég kann ekki meir. Af hverju er allt þegar þrennt er? og af hverju fær maður alltaf þrjár tilraunir til að giska og þrjár óskir? Þetta eru spurningar sem ég vil fá svör við.

Mér leiðist, það er kominn tími á göngu.

Júlía

rock lobster

2008-07-16T19:04:00.004Z

Cleveland, sit down. I wanna sing a little song that kept me going on when I had troubles.

We were at the beach everybody had matching towels
somebody went under the dock and there they saw a rock
but it wasn't a rock, it was a rock lobster
rock lobster
rock lobster

heheheh yeah, you're gonna be okay

Ég nenni ekki að blogga um það sem ég ætlaði að blogga. Ég geri það næst þegar ég nenni. Ef ég nenni. Gott jólalag.

- líajú dóttirkarls

veiðileyfi?

2008-06-26T22:41:00.003Z

Þegar ég var yngri og var nýbúin að horfa á the Truman show þá hélt ég í dágóðan tíma að líf mitt væri eins og the Truman show. Ég fór að hugsa hvar myndavélarnar gætu leynst og passaði mig smá að gera ekkert óviðeigndi. Ég veit ekki hversu mikið ég gerði sem var óviðeigandi þegar ég var átta ára. Ég hef ekki sagt neinum frá þessu.

Logan hefur brugðist mér. Ég kveiki á henni og þá kemur bara eins og einhver mappa með spurningamerki og blikkar og það heyrist skrítið hljóð. Ég trúi þessu ekki. Hvað ef ég er bara búin að missa allt það góða úr Logan?

Ég var í göngutúr áðan með depil. Ég er að reyna nýtt með depil, að fara tvisvar á dag með hann í göngu. Fyrst eitthvert um bæinn en svo alltaf á kvöldin góða skógarlundshringinn. Hann er alltaf góður. Sem sagt ég var að labba með hann hringinn góða nú fyrr í kvöld þegar ein afar óheppin stelpa hjólaði framhjá mér. Af hverju segi ég óheppin? jú vegna þess að hún var í buxum, svörtum, þær virtust vera svipaðar og ég á úr svona þægilegu linu efni. Ég veit ekki hvað það var sem orsakaði þetta en kannski voru þær of litlar því að þarna sat hún á hjólinu, í stærri kantinum og í gegnsæum, svörtum buxum, í óheppilegum nærbuxum, ójá, ég sá það. Ég náði að bæla niður hlátur en veit ekki hvort hún hefur heyrt "hohh" þegar hún hjólaði framhjá. greyið.

Ég hef pælt aðeins í því undanfarið að ég er hætt að lenda í spennandi aðstæðum sem ég get bloggað um og þó, þá hafa spennandi atvikum aðeins fjölgað núna upp á síðkastið því jú, ég lifi hættulega.

- Júlla jóló

Þessi hefði eiginlega átt að vera með síðustu færslu en...

bar

2008-06-19T22:17:00.002Z

Ég veit ekki hvar ég á að byrja. Það hefur margt gerst undanfarna daga og það allt skemmtilegt. Ég gerði ýmislegt sem ég hef ekki gert áður, ég kláraði annan bekk með einni sexu, fimm sjöum og einni áttu og reyndar, einni tíu. Í íþróttum. ég byrjaði að vinna á mínum ástkæra vinnustað, hótel eddu, sem þýðir að ég mun eiga pening eftir um það bil tvær vikur og annað sem gerist eftir um það bil tvær vikur, þá mun ég verða átján ára. Ég ætla að gefa nettan skít í vinnuna helgina eftir afmælið mitt og gera eitthvað skemmtilegt.
Það skemmtilegasta sem hefur gerst var síðasti þriðjudagur, sautjándi júní. Þá var erla systir mín, ásamt restin af fjórða bekk að útskrifast úr emma. Það var svo skemmtilegt. Erla var svo sæt og fín. Takk fyrir skemmtilegt kæra fjölskylda og þá sérstaklega elsku systur mínar. Það var svo gaman niðri í bæ og gaman að syngja með ykkur mánabar, þetta kom í staðinn fyrir að við horfðum á Justin saman, en á mánudaginn er einmitt ár síðan við horfðum á okkar ástkæra Justin syngja til okkar. Ohh, Justin.

sjúlí

bpbpbpbpbp

2008-05-29T19:23:00.003Z

Síðasta blogg var pirriblogg. Svo ég ætla að blogga yfir það með gleðibloggi og koma með gleðilegar staðreyndir.

Ég á 5 próf eftir.
Franz Ferndinand var til.
Helena og Kittil koma 15. júní
Ég fer til Tenerife eftir 89 daga.
Ég á afmæli eftir einn mánuð og 4 daga
Ef allt gengur upp fer ég ekki aftur í dönsku í ma
Það er gaman að lesa í sögu þó svo að ég geti ekki haldið einbeitingunni
Bráðum verð ég búin með annað árið mitt í emma og það þriðja hefst. (vó)
Ég fer að vinna örugglega 9. júní og fæ mikinn pening um mánaðamótin júní/júlí
Ég fæ 2000 krónur fyrir að skila skápalyklinum mínum sem kemur sér vel fyrir próflokin.
Gleði, gleði gleði gleði.

Júlla jóló

Lokað

2008-05-28T21:11:00.006Z

Ég hef talað um þetta áður en ég er alltaf að lenda í nýjum aðstæðum. Aðstæðurnar eru afskaplega venjulegar ég er kannski að tala við manneskju og svo finnst mér ég hafa verið og lengi að segja frá einhverju og byrja að roðna. Ég þoli ekki þegar ég roðna. Það er líka oftast út af engu. Ég roðna stundum þegar aðrar manneskjur roðna. Ég held að roðnskynjarinn minn sé sjálfstæður. Ég væri til að óvirkja það. Ég hef ekki alltaf verið svona, þetta byrjaði bara fyrir stuttu. Mér finnst þetta vera meira leiðinlegt heldur en fyndið. Þó ég geti stundum hlegið af því þegar ég roðna á asnalegum tímum. Eins og í gær þegar ég roðnaði með erlu en aðstæðurnar voru ekkert óþægilegr fyrir mig, þær voru fyndnar og óþægilegar fyrir Erlu. Núna er ég pirruð að hafa byrjða að tala um þetta. Ég ætla að halda áfram að læra í sögu. Ég er búin í prófum eftir viku og 1 1/2 dag. Ógeðslegu próf.

fjkldfksjjklfd

Hulia

eitt lag enn

2008-05-20T21:13:00.004Z

Núna áðan fór ég í einstaklega skemmtilegan göngutúr. með Depil.
Þegar ég var rétt lögð af stað varð á vegi mínum stærsti og feitasti áðnamaðkur sem ég hef séð. Ég stoppaði við hann og velti honum feita fyrir mér. Því miður fattaði ég það eftir á að ég hefði átt að setja hann í poka ásamt fleirum sem urðu á vegi mínum og gera þá enn feitari og stærri til að selja í sumar eins og pabbi hvetur mig til að gera hvert sumar.
Veðrið var gott og sólin skein og ég tók eftir því að ég var stödd í fjögurralaufasmárabeði svo ég tók mér stutta stund og leitaði að einum slíkum en fann því miður engan. Það minnti mig á þá góða og saklausu tíma þegar ég trúði því að ef maður óskaði sér eftir að hafa fundið fjögurralaufasmaára mundi hún rætast. Því jú, það gerðist einu sinni. Ég hafði fundið smára fyrir utan húsið hjá Helgu Rún, þar sem það er allt morandi í 4laufaessemmárum og óskaði mér að við mættum gista saman. Og viti menn, hún rættist. Þá var ekki aftur snúið.
Í göngutúrnum hugsaði ég með mér hvert ég ætti að labba, ég ákvað að labba í gegnum bæinn og niður á höfn. Á leiðinni stoppuðum við hjá merkinu þarna rétt hjá átaki sem er einhver sporður eða eitthvað svoleðis. Þar sleppti ég Depli og við löbbuðum niður í litlu fjöruna sem er þarna. Ég sá spýtu í fjörunni og fannst þetta kjörið tækifæri og kastaði henni út í sjóinn, ekkert of langt og Depill stökk af stað og náði í hana. Svo fór ég aðeins að lifa hættulega og kastaði lengra og hvað gerir Depill? hann syndir í sjónum, í fyrsta sinn á ævinni. Ég stóð þarna stolt móðir að horfa á barnið mitt synda í fyrsta skiptið. Ég var þó búin að hugsa að ef depill mundi byrja að væla, sem er eiginlega ekki ólíklegt, þá mundi ég bara taka töskuna og mp3 spilarann af mér og synda út í sjóinn. Sem betur þurfti ég ekki að gera það þar sem búbbi krútt var svo duglegur að synda.

- proud mama.

blue

2008-05-07T18:34:00.003Z

Ég er rosalega þreytt. Og ekki bara af því mig vantar svefn. Ég er þreytt á skólanum, ég er þreytt á því að eiga engan pening. Ég er þreytt á því að ég hugsa hlutina oftar en ekki, ekki til enda. Ég er með svona svefn tilfinningu í mér svona þar sem maður þráir að loka augunum og leggja sig aðeins. Það er skrítið að ég held ég fái þessa tilfinningu aldrei áður en ég fer að sofa.

Ég elska skemmtilega göngutúra, eins og göngutúrinn sem ég átti í dag. Hann var virkilega skemmtilegur en ég sá eitt sem var miður skemmtilegt, hópnauðgun á andapollinum. Oj, greyið öndin.

Bekkurinn er að fara á minjasafnið í sögu ekki á morgun heldur hinn. Ég hef aldrei komið þangað og hlakka eiginlega mjög mikið til að fara.

Æi, ég set bara myndir með svo þetta verður lengra.

Góðar systur

Emelía reynir að drepa Depilgreyið

Sól í listigarðinum og ég að standa á höndum

J.

Sigga og Grétar

2008-05-01T19:04:00.005Z

Mér finnst leiðinlegt að þið séuð að hætta eða nei, að þið séuð hætt. Nýja er tekin við. Mér fannst gaman að hjálpa til við viðburðalest, árshátíðina og að taka til eftir kvöldvökur. Skemmtilegast fannst mér að fá rós í gær og ólíkt Huginn fannst mér það sem þið sögðuð krúttlegt, dúllur og rottur eða var það mýs? Samt man ég einhvernveginn ekkert mikið eftir því þegar ég faðmaði ykkur uppi á sviði af því ég var nett stressuð að fara upp á svið fyrir framan alla. En eins og ég er búin að segja oft, það var skemmtilegt.
Mig langar til að teikna mig í herramenn og heiðurskonur stíl. Erla er nú þegar til, hvað væri ég?

Erla

Ég er búin að búa til niðurtalningar dagatal og með því er hægt að vita hversu margir dagar eru þangað til að ýmsir atburðir gerast. Það eru til dæmis 47 dagar í 17. júní, 62 dagar þangað til ég verð 18 ára, 117 dagar þangað til ég, Fanný, Helga Rún, Margrét og Kristín setjumst upp í flugvél og fljúgum til Tenerife. við verðum í tvær vikur, komum heim 9. september. Ég hlakka til en ég er líka smá hrædd í leiðinni. Ég er að fara ein með vinkonum mínum til útlanda, sólarlands sem ég hef aldrei komið til áður. Það hræðir mig.

Það hverfur samt aðeins þegar ég skoða þessar myndir af hótelinu okkar...

- Júlía dóttir Karls

I can't live

2008-04-21T22:27:00.005Z

Sumarið er komið
svona á það að vera
sólin leikur um mig
algjörlega bera

Góð lýsing á undanförnum dögum, fyrir utan síðustu tvær línurnar. Sumarið. Ég elska þegar maður sér úti að allt er að lifna aftur til lífsins og finnur svona sumarlykt í loftinu, og svona lykt sem minnir mann á sumarkvöld þegar maður var áhyggjulaus, ekki í þrælabúðum á hótel eddu, og var úti langt fram eftir nóttu. Í mínum göngutúrum undan farið hef ég einmitt verið að fylgjast með öllu verið að lifna aftur við, það er komin svona græn slykja (?) á runnanna fyrir utan og á öðrum runna sem ég labbaði fram hjá í dag eru komin agnar smá laufblöð og svo er komin blóm í beðið hjá nunnuklaustrinu. Það gladdi mig að sjá. Ég get ekki beðið eftir sumrinu.

Um helgina fór ég suður með fjölskyldunni og gistum við hjá Freydísi, Atla, Fannari og Heru. Laugardagurinn var hápunktur ferðarinnar. Hann byrjaði skemmtilega og ég fór í feluleik með Fannari og Erlu, ég hef ekki skemmt mér jafn vel í feluleik í áraraðir. Seinna um daginn eftir langþráða bið hitti ég Helenu mína ástkæru systur og Kittil sem komu færandi hendi. Og hvað komu þau með? Apple master! Það er eitthvað sem hæfir mér þar sem ég hef gaman af svona tækjum. Þetta tæki........er ótrúlega þægilegt..........í noktun..........Maður bara styngur eplinu á pinnann............og snýr...............Með þessu tæki,........Apple master...........getur maður flysjað,..........tekið kjarnan út,.........og skorið í skífur. (vt) Ég hlakka mikið til að prófa þetta.
Svo til að fullkomna daginn gerðum ég og Fannar hið fullkomna hús úr dýnum, fjórum sængum og mörgum koddum. Ég var eiginlega mjög stolt af þessu húsi og þetta hefði verið draumur að vera í því á mínum yngri árum þegar ég og erla vorum upprennandi arkitektar.

- Júlía Karlsdóttir, Félagsfræðibraut, uppeldisfræði, ekki stærðfræði.

girlfriend

2008-04-09T14:11:00.006Z

Fyrst var hann svona

svo betrumbætti ég listaverkið

Takk fyrir, Júlía

p.s. hvaða nafn ætti hann, nú eða hún, að bera?

rúðupiss

2008-04-01T22:17:00.004Z

Í dag var mér hugsað til eins góðs gabbs sem gert var í leikfimi hérna um árið.
Mér datt í hug að við mundum reyna að gabba þáverandi leikfimikennara okkar, sem ég bara man ómögulega hvað heitir, eitthvað D minnir mig svo við skulum kalla hana Dóru. Dóra er ung stelpa og var ekki búin að kenna lengi að ég held. Eftir nokkurn umhugsunar tíma spratt upp í huga mér ein góð hugmynd og voru það Fanný og Margrét Ýr sem framkvæmdu hana.
Margrét fór til Dóru og spurði hvort hún mætti fara á klósettið, auðvitað mátti hún það. Stuttu seinna spurði Fanný hvort hún mætti fara á klósettið og fékk hún einnig leyfi. Stuttu eftir að Fanný hafði farið á klósettið kom hún til baka og sagði við Dóru í alvarlegum tón: Heyrðu, Margrét Ýr.. hún kúkaði á sig.. Guð, sagði Dóra og fór inn í stelpu búningsklefann. Þar inni sat Margrét Ýr og gróf andlitið í hendurnar sínar. Dóra kom að henni og spurði: Er ekki allt í lagi, Margrét mín. Margrét Ýr kallaði þá fyrsti apríl beint framan í andlitið á Dóru greyið sem vissi ekki alveg hvernig hún ætti að bregðast við því að ein stelpa hafði kúkað á sig.
Þetta var eitt skemmtilegasta aprílgabb sem ég hef framkvæmt og ég man að við vorum í kíló þennan dag. Ætli hún muni líka eftir þessu.

- Júlía

I feel flames again

2008-03-31T14:48:00.002Z

Tilkynning!

Ragga kallaði í mig núna áðan þegar ég var á leið minni í þýsku tíma. Hún sagði að hún hafði séð síma sem væri líkur mínum eða erlu. Svo ég fór upp og þar sá ég greyið liggja með gulan post-it miða á sér. Einhver miskunnarsamur samverji fann hann úti í slabbinu í páskafríinu og setti hann inn um bréfalúguna í gamla skóla. Ég prófaði að kveikja á honum með litla von en töfra síminn kveikti á sér. Ég elska hann.

- Júlía

Kraftaverk?

2008-03-28T00:17:00.000Z

Pheroline

Some men are just born more attractive than others. It's a scientific fact, and it's called pheromones-air bound hormones produced naturally by their bodies that cause women to find them attractive without consciously realizing why.
You've probably seen pheromones discussed on many of the leading TV newsmagazine programs. Pheromones could very well be the biggest scientific discovery in the field of human sexuality and attraction of the last century.
Now science has given you a way to level the playing field. Pheroline® is a scent product containing a highly concentrated mixture of human pheromones, designed to make those who wear it more attractive to women.
Can we guarantee that you're absolutely, positively going to have more sex after you start using Pheroline® l? No. But you may well begin noticing that more women of all ages and types are smiling at you more often, making eye contact, initiating conversation, even flirting with you. And everything has to start somewhere.

What should I expect once I start using Pheroline®?

More eye contact, interest, and smiles from females of all ages
Increased sex appeal
Increased dates and opportunities for sex
Reinvigoration of your present relationship
More passionate sex
A positive, relaxing effect on those around you
Being approached by women more often
More self confidence
Increased subconscious respect and focus on you by others

Hver vill vera tilraunadýr og prófa þetta?

- Frú Vörn

23:23

2008-03-17T23:26:00.005Z

ég var að skoða myndir frá hinum ýmsu atburðum á brekkuskólasíðunni og rakst þar á nokkrar áhugverðar. Ég ætla að setja þær allar hérna inn ef ég get.

sch

2008-03-13T21:14:00.002Z

60

Í gær var ég góð systir og stjórnarvinkona og hjálpaði til við að ganga frá stólum sem hefðu verið teknir úr H-stofunum í skólanum á söngkeppninni. Við fórum inn hjá H6 innganginum. Það var mega, allt slökkt og engin í skólanum til að byrja með nema ég og erla. Ég ákvað að nýta mér þennan tíma og skoðaði steinasafnið í H1 vel og vandlega, eitthvað sem ég hafði aldrei gert áður og ég hafði gaman af. Eftir að öllum stólunum hefði verið komið fyrir í stofurnar löbbuðum við aftur út um innganginn hjá H6. Ég og erla löbbuðum í átt að bílnum sem ég hafði lagt á kennaraplaninu. Allt í einu rykkist ég aftur á bak en þökk sé því að erla stóð föst sem klettur, datt ég ekki og náði líka að setja höndina í jörðina. Þetta leit frekar út eins og eitthvað flott dans-move ef eitthvað er. Ég hló panik hlátri og erla komst ekki yfir það að hún náði að halda mér og standa föst.
Þegar við komum aftur upp í KA heimili uppgötvaði ég að síminn minn var ekki í buxnavasanum og ekki peysuvasanum. Ég hugsaði með mér að hann væri bara í bílnum. En nei, hann var ekki þar. Það var ekki fyrr en í dag sem ég fattaði að hann hafði dottið úr peysuvasanum. Ég fór til Hlyns þrisvar sinnum og spurði hvort einhver hefði nokkuð komið með síma en svo var ekki. Ég leitaði tvisvar sinnum í slabbinu en fann hann ekki. Svo núna áðan fór ég í göngutúr með Depil og hugsaði: já! ég læt hann auðvitað leita að símanum, hann me góða þefskynið sitt. En eins og áður fundum við hann ekki og ég hefði getað sleppt því að taka Depil með þar sem hann sat bara og teygði hausinn aftur á meðan ég sparkaði snjónum til. Þegar ég mætti á staðinn þá sá ég reyndar strax að þetta var vonlaust þar sem að það var búið að moka stíginn! annað hvort var hann kraminn af ýtunni eða þá hann er grafinn í hól. Eða ef svo heppilega vildi til, þá bara er hann úti í bíl.

- Júlía sem missti af blogger partíinu góða...

samt leitar hugur minn heim til þín

2008-03-09T20:05:00.003Z

Ég var á Dashboard-inu áður en ég ýtti á post new takkann og sá að það er Blogger party á einhverjum klúbb úti í útlöndum. Leiðinlegt að ég eigi heima á Íslandi. Annars hefði ég farið.

Ég nenni ekki að bakkkommenta við síðustu færslu...

Ég var að skoða gamlar færslur sem ég hafði skrifað á 8 unit síðunni góðu. Það var skemmtilegt. Það rifjuðust upp góðar minningar eins og þegar ég og margrét jóhannsdóttir vorum að vinna á hótel eddu á stórutjörnum. Við þurftum að þvo tvö sokkapör, bol og buxur. Við settum tvö sokkapör í þurrkara sem er stærri en flestir heimilsþurrkarar og horfðum á fjóra sokka sveiflast til í honum. Svo gerðum við hluta af hótelinu rafmagnslaust, allt út af sokkapörunum. Og brutum saman skítugan þvott.
Memories.... al alone in the moonlight.. Ég elska góðar minningar.
Mér fannst eitt vera svolítið merkilegt, þegar ég fór inn á stjórnborðið þá sá ég að í dag hefðu 17 manneskjur skoðað 8 unit síðuna sem hætti störfum fyrir alveg svona hálfu ári eða svo. Hverjar þessar 17 manneskjur (eða sextán þar sem ég er líklegast ein af þessum 17) eru væri gaman að vita.

- Skull

þvagleggur

2008-02-28T18:29:00.003Z

Ég var í göngutúr með Depil áðan. (vá, hvað ætli ég hafi byrjað á mörgum sögum með "ég var í göngutúr með depil"?)
Þá gerðist það að hann stoppaði og kúkaði. Mér fannst það svona nett óþægilegt því það er alltaf svo vandræðalegt eitthvað að taka hann upp. En ég gerði það nú bara og ákvað að labba með hann bara, því það var stutt í næsta rusladall. En hvað gerist? Svona nokkuð stór strákahópur kemur labbandi á móti mér. Ég byrja strax að hugsa: ókei, hvað á ég að gera? á ég að vera lúmsk eins og mér einni er lagið og henda pokanum bara áður en þeir koma of nálægt? eða á ég bara að halda áfram með kúkinn í höndinni? og ætti ég þá að fela hann eða bara halda honum hátt svo þeir sjái að ég sé með kúk í poka og þeir hugsi ekki: oj hvað það var vond kúkalykt af stelpunni. Svo tókst mér að forðast allt þetta með því að labba einfaldlega yfir götuna.

- Joðúellía Káaerrellessdéótétéierr

borgari í ham

2008-02-25T23:20:00.007Z

Ég hef gaman af því að skoða hluti sem tengist nafninu mínu. Ég hef skrifað Júlía Karlsdóttir á youtube og þá kom myndband af fólki sem var sjúkt í dirty dancing. Í alvörunni sjúkt. Fyrsti dansinn þeirra, sem hjón, var eins og lokadansinn í myndinni. Maðurinn var meira að segja í svörtum fötum eins og hann og kjóll konunnar var alveg svolítið svipaður kjólnum hennar. Meira að segja á einum tímapunkti þá kemur fólk og dansar með Johnny í myndinni og það var líka gert í brúðkaupinu. Þetta var greinilega vel æft atriði! Skoðið þetta við tækifæri.

Í nafnabókinni stendur ömurlegt um nafnið Júlía: það stendur: Unglingur tengt karlmannsnafninu Júlíus. Eða eitthvað álíka. Unglingur, mér finnst fugl eiginlega vera betra.

Í enskri orðabók sem ég er með hérna í tölvunni stendur: julia |ˈjoōlyə|
noun
an orange and black American butterfly with long narrow forewings, found chiefly in tropical regions. • Dryas julia, subfamily Heliconiinae, family Nymphalidae.

- Júlía

Við fegurst vorum meðal para

2008-02-18T16:04:00.003Z

Ég er fyrir utan kaffi Jónsson. Ég sit í bílnum og er að hlusta á no cars go sem minnir mig á Andra Franz og Lenu Mizt. Það er slökkt á bílnum og ég er búin að færa sætið eins aftarlega og það kemst. Þetta er bara nokkuð þægilegt. Þetta er eins og að vera bara í herberginu sínu og hlusta á tónlist en samt ekki af því ég get keyrt af stað. Kannski ég fari að stunda þetta. Finn staði með fríum nettengingum og slekk á bílnum og blogga. Þetta er mjög skemmtilegt og þægilegt bara.

Ég er búin að komast að einu vandamáli sem ég glími við. Þótt ótrúlegt sé þá var ég bara að komast að því um daginn að ég finn ekki fyrir því þegar ég roðna. Ég held að ég sé alveg að höndla aðstæðurnar og sé eðlileg í framan en allt í einu segir Fanný við mig: Júlía, þetta er allt í lagi, hah þú þarft ekkert að roðna. Vá, þarna rann það upp fyrir mér. Ég bara finn aldrei fyrir því. Og það sem meira er, þegar ég held að ég sé að roðna þá er ég bara alveg eðlileg í framan. óþægilegt, já.

Jæja, vonandi fer örl my one and only girl að koma en nei það kemru einhver svalur vinnumaður út en svo fylgir erla fast á eftir með bros á vör.

- Júlía

Isländisch

2008-02-14T21:37:00.011Z

Erla, mín ástkæra systir er núna fyrir sunnan í háskólakynningu eða já einhverju svoleiðis. Núna fæ ég að vita svona aðeins hvernig lífið verður þegar hún fer og gerir eitthvað stórfenglegt eftir að hún hefur útskrifast 17. júní næst komandi. Það verður skrítið. Ég, mamma, pabbi og depill. Bara við fjögur. Ég fer alltaf út með Depil. Bara þrjú að borða. Engin Erla til vekja mig þegar ég vakna ekki við vekjaraklukkuna mína og er enn sofandi klukkan 7:45. Og enginn inni í hinu herberginu í kjallaranum þegar ég kíki þangað inn. Ég mun ein sjá um það að ryksuga kjallarann og þrífa baðherbergið. Þetta verður bara næstum eins og ég muni líka flytja að heiman. Jesús, ekki hlakka ég til allavega. (Ég vil samt ekki virðast rosalega neikvæð, bara það var skrítið þegar helena fór, bara erla eftir en svo fer erla og þá verð ég bara eftir, þú hlýtur að skilja)

Ég var í göngutúr áðan með Depil. Ég labbaði framhjá Borgarbíói og ætlaði að heimsækja hana Kristínu vinkonu mína í vinnuna en sá að það var hlé þar sem að það stóðu tveir eldri eða bara fullorðnir menn fyrir utan. Eftirfarandi samtal og hugsanir áttu sér stað: (ég hef borskalla með til að sýna hvenær ég brosti vingjarnlega til mannsins og sviga annað hvort til útskýringar eða til að sýna hugsanir mínar)

Maður: Hvað heitir hann?
Júlía: Hvað segiru, heh? (var ekki búin að taka úr eyrunum)
Maður: (Hvað heitir hann?
Júlía: Jaá, hann heitir Depill :)
Maður: Átt þú hann?
Júlía: já, ég hann
Maður: Já, þeir eru næmir á lykt.
Júlía: Já, þeir eru það (þarna hélt ég að samtalið væri búið af því maðurinn var farinn að labba aðeins í burtu, en svo var ekki..)
Maður: Ertu í menntaskóla?
Júlía: Já (þarna var ég farin að hugsa, hann eiginlega hlýtur að vera eitthvað skrítinn, það er ekkert venjulegt að fullorðinn maður sé að spurja ókunnuga stelpu svona)
Maður: Hvað finnst þér skemmtilegast að læra?
Júlía: Uuu þýsku, heh:) (bara það fyrsta sem mér datt í hug)
Maður? Ertu góð í henni?
Júlía: Jaá svona allt í lagi svosem heh:) (heh voru algeng af því þetta var eitthvað svo vandræðalegt)
Maður: Já, sprechen Sie Deutsch?
Júlía: heh..ja ((ohh af hverju svaraði ég á þýsku?)
Maður: Við erum í bíó
Júlía jaá heh (ég var nú búin að geta mér til um það)
Maður: jáh, við erum á Rambo
Júlía: jaá
Maður: jáh, hún er rosaleg sko, rosaleg
Júlía: heh já..
Maður: Það eru rosaleg bardagaatriði, vá, við vorum að horfa á eitt núna áðan
Júlía: já er það?
Maður: já, fullt af sverðum og svona, hann er svakalegur rambo.
Júlía: já heh.. heyrðu ég ætla að halda áfram labba.. (vildi helst forða mér bara)
Maður: já.

Og þannig lauk samtalinu. Ég var búin að fatta að það var rétt hjá mér, maðurinn var skrítinn, ekki það að maður eigi að dæma fólk af útlitinu en þarna gerði ég það svo sannarlega. Maðurinn var klæddur í buxur og einhverja peysu, með bumbu og það var bert á milli buxnastrengsins og peysunnar. Hann var í stígvélum með áfestum mannbroddum sem komu yfir buxurnar. (stígvélin sem sagt) Úff, ég hélt ég væri búin að lenda í nokkrum skrítnum en þessi er held ég í fyrsta sæti.

Ég prófaði að skrifa jarmundur í google myndaleit og þar birtust bara næstum því allar myndirnar sem ég hef birt á blogginu mínu. Skemmtilegt. (Ég geri mjög oft skemmtielgt, mjög oft)

Ædolið mitt

-Júlía

Arpeggiator

2008-02-07T19:53:00.000Z

ha, blogger? af hverju ertu allt í einu orðinn íslenskur.... Your comment has been saved.
Það gæti tekið smá stund fyrir athugasemd þína að birtast á vefsvæðinu. Þetta er komið í komment gluggann. Og svo getur maður valið gælunafn og líka forskoðað kommentið... was ist das?

Ég skoða mjög oft svokallað bulletin sem annað fólk birtir á myspace og í því sem ég les þau hugsa ég oft hvernig mín svör yrðu við þessum spurningum en ég birti samt aldrei svona bulletin. Ég einhvernvegin vill það ekki. Þetta eru líka oft bara sömu spurningarnar og spurningar sumar sem koma öðru fólki eiginlega ekki við. En ég hef samt alltaf jafngaman af því að lesa þetta.

GB! É! (rím) Vá, ég var svo ánægð þegar við unnum og sungum Selfoss með rjóma á, og það heyrðist svo hátt. Vá, það var virkilega skemmtilegt.

Ég á sjö vinkonur og saman erum við átta. Fimm af átta eiga afmæli á fyrstu tveim mánuðum ársins. Frá 17. janúar - 25. febrúar. Það passar svo vel og þó að ég og margrét erum útundan þá passar okkar líka saman því ég á afmæli 2. júlí og margrét 2. ágúst, erum við ekki hinn fullkomni vinkvennahópur? Allavega í sambandi við afmælisdaga.

- JÚLÍA

vá

2008-02-01T19:17:00.000Z

Ég er lélegur bakkkommentari. Afsakið. Og ég hef ekki bloggað lengi vegna prófatíðar og því að margir hlutir fara í taugarnar á mér. En ég er komin aftur og í mér er gríðarlegur danskraftur. Prófin komu ágætlega út fyrir forvitna að vita og er ég mest ánægð með náttúrufræði þar sem ég kom sjálfri mér verulega á óvart og ég ekki bara féll ekki heldur fékk ég 8! jess!

Ég elska að finna góða karlmannsilmvatnslykt feykjast með vindinum þegar ég labba fram hjá einhverjum í skólanum. mmm. En það er samt eitthvað svo vandræðalegt ef ég finn góða lykt af fullorðnum mönnum og þá sérstaklega kennurum.

Ég nenni ekki meir, svo það koma bara nokkrar myndir. klassískt.

Haube

2008-01-07T18:37:00.000Z

Gleðilegt nýtt ár, Freydís, Villi, Erla og Helena.

Man enginn eftir bókunum um Busa, fílinn litla. Ég sá reyndar frá upphafi að ég gerði óvart fill en ekki fíll en ég nennti ekki að breyta því. En já, erla, þetta var sem sagt meiningin með titlinum á síðustu færslu.
2008, spennandi atburðir framundan á árinu, fjölskylduferð? noregsferð með erlu til helenu og kittils,(já ég beygi nafnið bara eins og það sé íslenskt) 18 ára afmæli mitt og vinkvenna minna. Vá. Mér finnst 18 vera svo miklu stærra en 17, mig minnir að erla hafi einhverntíman talað um eitthvað svipað í bloggfærslu hjá sér. Þetta er bara svo skrítið eitthvað. Mér fannst allir vera svo ótrúlega stórir þegar þeir voru 18 en ég er alltaf jafn lítil. En samt ekki í sambandi við hæð því ég tel mig ekkert vera það litla. Bara lítil á annan hátt.

Ég sit inni í herberginu mínu og klukkan er 18:05 það er opið fram og ég finn kulda ekki aðeins á fingrunum heldur höndunum öllum en fingurnir eru auðvitað kaldastir. Ég held ég sé ekki með nógu sterkt hjarta, að það nái ekki að pumpa blóði í fingurna. En samt er það skrítið því ég get stundum séð það slá. Eða ekki bara hjartað á móti mér og ég sé það fara upp og niður heldur bara færist bringan upp og niður, þetta er skrítið og kannski erfitt að sjá fyrir sér.

Ég fékk seríu sex af family guy. Vúhú, takk erla og helena. Það var í einum þætti þar sem brian og meg voru á balli og meg sagði ohh I love this song, svo ég ákvað að gúgla lagið og fann það svo á youtube þeirri nytsamlegu síðu. Og það var fólk búið að kommenta fyrir neðan, svo virðist vera sem margir hafa dated a guy who looks just like him. ég ætla að sýna((sjón) ég er að fara í íslensku próf á fimmtudaginn sjáðu til) nokkur komment til gamans.

Lagið heitir Hold on to the night með richard marx (( Eins og Karl Marx) Félagsfræði á miðvikudaginn í næstu viku)

wojo1962 (3 days ago)
I m only eight years old but I really like this song. Jarrod

wojo1962 (3 days ago)
This song reminds me of a lost love named carey

Caligal43 (4 days ago)
Richard Marx is awesome, powerful not to mention a handsome hunk. I dated a guy that looked like him.
januarybee (1 week ago)

Toot1973 (2 weeks ago)
Love Richard Marx. I dated a guy that looks just like him. Everytime I hear his songs or see his videos I think of a love lost.

Hvað meinar wojo1962?

- Sjúl

busi, fill eða manneskja?

2007-12-17T23:40:00.000Z

Ég næstum því skeit á mig í tveim prófum í dag. Ég fann að ég þurfti að kúka í þeim báðum en náði að hlaupa fram.
Hahaha funny. Þetta var grín. Þetta var viðlíking,(ég man ekki hvað þetta kallast, myndlíking, eða hvað? Ich weiß es nicht) ég bara var ekki alveg að gera eins góða hluti og ég vildi í stærðfræðiprófi í morgun en þýsku munnlegaprófið gekk betur. Ich bin frühgeborene und ich glaube das ist warum meine Fingern sind oft kalte und violete oder rote. Þá hló hún margrét. Svo áttum við létt spjall um fyrirbura eftir prófið. Yeah, góð júlía.

Ætti ég að flýta helginni góðu í janúar fram á áramótin? Eða ætti ég bara að halda mig við hið upprunalega plan.

Það er gaman að sitja í skólanum, hlusta hátt á eitthvað skemmtilegt lag og horfa á fólkið labba framhjá. Þá er maður í sínum eigin heimi.

Jólafrí er á fimmtudaginn vúhú! en ég á eftir að kaupa jólagjafir. Og ég á eftir að finna jólatilhlökkunina. Hún bara hvarf í hittifyrra eða eitthvað. Ég fæ alltaf svona smá en það er engin brjálæðislegur tilhlökkuður innra með mér. Mér finnst það vera mjög leiðinlegt. Mjög.

Ég trúi varla því sem augu mín sjá.

We were hoping for some romance

Sometimes I feel like throwing my hands up in the air

Ég verð að fara að setja myndir í tölvuna mína sem geta prýtt komandi blogg.

- Júlía

p.s. Helena mín elskulega systir sem býr í noregi er hér rétt handan við hornið. Hún verður hjá okkur yfir hátíðirnar. Ég ætla að neyða hana til að gista inni hjá mér. Vúhú!!! Ég hlakka rosalega til að sjá hana.

traummann

2007-12-06T18:47:00.000Z

Nú hef ég stundað nám við Menntaskólann á Akureyri í einn og hálfan vetur. Á þeim tíma hef ég oft verið viðstödd söngsali, morfís keppnir eða gettu betur keppnir þar sem lagið heimaleikfimi er sungið. En aldrei, fyrr en á föstudaginn síðasta, fattaði ég hvað var í rauninn verið að meina með heimaleikfimi. Það var þegar heiða notaði það í ræðunni sinni, minni kvenna, þar sem hún sagði að fólk færi heim í heimaleikfimi eða eitthvað svoleiðis. Þá loksins fattaði ég lagið. Mér fannst það bara alltaf vera skrítið lag, meikaði ekkert sens en ég söng það bara. Vá.

Lagið Flux með bloc party lætur mig fá góða og skemmtilega tilfinningu. Sérstaklega þegar það er að byrja og í viðlaginu. Það færir mér von (ekki það að ég sé eitthvað að missa vonina en bara) og gleði. Það kemur mér í gott skap.

Þetta er það sem við gerum í náttúrufræðitímum

- Júlía K

sex

2007-12-03T00:20:00.000Z

Vá árshátíðin var skemmtileg. Ég skemmti mér betur á þessari heldur en í fyrra. Ég dansaði og ég dansa eiginlega ekki oft en eins og ég hef sagt við svo marga þá kallaði gusgus bara eitthvað fram í mér sem lét mig dansa og dansa. Ég var eiginlega fremst og það var geðveikt gaman. Það var eins og tónlistin truflaði hjartsláttinn, því ég fann svo mikið fyrir henni, æi þetta hljómar eitthvað asnalega. En það vara allavega geðveikt líka. Maturinn var góður en ég var því miður ekki alveg að fíla eftirréttinn, það voru einhverjar ógeðslegar rúsínur í honum. oj.

Í dag er ég bakaði ég jólakökur með mömmu, borðaði ótrúlega mikið deig, fór út með depil, kom heim, borðaði kvöldmat, sofnaði og gat næstum ekki vaknað aftur til að fá mér ís, kláraði svo deig skammtinn minn af brúnum kossum og vanilluhringjum svo fór Villi að sýna mér hvernig photoshop virkar og setti það í tölvuna fyrir mig, takk villi.
Þetta er dagurinn minn í dag, skemmtilegur?

Minn geimur, á maður að adda hverjum sem manni langar til eða er einhver regla? Þetta er smá óþægilegt..

- Júl

awkward

2007-11-29T15:04:00.000Z

Ég trúi ekki að ég sé búin að gera þetta. En þannig er það víst bara. Ég er búin að fá mér myspace...
Ég ætla samt ekki að láta myspace yfirgnæfa Jarmund. Sem minnir mig á það, við áttum eins árs afmæli um daginn. Jibbí! En aftur um myspace. Ég veit ekki alveg hvað ég á að segja þegar fólk er að adda mér. Hæ, takk fyrir addið;) hvað segiru?;) þetta passar ekki alveg við mig. Þetta er líka svo eins alltaf. En ætli maður verði ekki að gera bara eins og allir hinir.

Ég nenni ekki að blogga lengur, mig langar til að fara heim. Ég get farið heim, ég er búin í skólanum. En ég nenni ekki heim.

Jibbí! árshátíðin á morgun. Á morugn. vá. Ég hlakka til að vera svona fín. Það er eiginlega aðal málið.

- Júlía

mið önn matur

2007-11-17T12:58:00.000Z

Móðir og Faðir eru í London í leikhúsferð yfir helgina. Mamma var búin að leggja pening inn á mig svo við gætum farið í búðina og keypt inn fyrir helgina. Við stigum inn í búðina, tókum stóra kerru, og vissum ekkert hvað við ættum að kaupa. Við löbbuðum inn í kælinn og horfðum í kringum okkur... hvað eigum við eiginlega að kaupa? Þá kom erla með þessa sniðugu hugmynd: hey, eigum við að kaupa piparost sem við megum borða? Já! sagði ég. þá var kominn einn piparostur í stóru kerruna okkar. Svo sáum við svona Jó jógúrt. Ég sagði við erlu að mig hefur alltaf langað til að smakka svona. Svo við bættist í körfuna ein karmellu Jó. Það sem bættist seinna við var:
3 mjólkurfernur
melóna
jarðaber
2 lítrar bónus vanilluís
ostapopp
doritos
malt og appelsín
jólaöl
2 rjómatoffí ( svona smá glaðningur við kassann)

Þetta kostaði allt í kringum 1600 krónur

Ég ætla að fara að elda kjúkling úr landsliðsréttum hagkaupa. sjáumst

- Júlía

Baka raka maka blaka taka haka saka laka flaka slaka

2007-11-06T23:19:00.000Z

Stundum vildi ég að ég gæti ekki i pælt eins mikið í sumum hlutum. Það er truflandi. Ég get ekki lært, af því ég hugsa of mikið. Stundum get ég ekki sofnað af því ég er að hugsa of mikið.
En svo hugsa ég, jú ég verð að getað hugsað og held áfram að reyna að læra í sögu.

Danmerkurferðin var frábær. Ég hitti margt skyldmenni mitt: Erlu(auðvitað þar sem við fórum saman í þessa ferð) badda, heiðu, andra, lenu, spjótið litla, helenu, kittil, vilhelm, ívar. Ég var dugleg að versla. Eða samt veit ég það ekki. Mér fannst þegar ég var úti eins og ég hafði verslað mikið en svo núna finnst mér það einhvernvegin ekki. En jú þegar ég pæli í því þá er þetta alveg mikið. Ég er því miður ekki búin að setja myndir frá ferðinni í tölvuna mína svo ég get ekki haft myndir með en það kemur bara myndablogg næst.

égákvaðaðgeraeinasetningusemerekkimeðneinumbilumþaðererfiðara
enþúheldurégerbúinaðýtaábilstönginasvonatíusinnumogégfinn
þumalfingurnaalltaftogastaðhennieftirhvertorð.

Það hefur heldur betur minnkað á hlakka til listanum mínum eftir danmerkurferðina. En ég hef enn árshátíðna, jólin og helgina í janúar. Jibbí.

- Júlía Karlsen

hey. ert tu vakandi?

2007-10-15T22:07:00.000Z

Ég hlakka til margs akkurat núna. Ég ætla að telja það upp í tímaröð:

Fara til danmerkur eftir 16 daga
Hitta Badda, Heiðu, Andra, Lenu og Villa eftir 16 daga
Hitta Helenu og Kittil eftir 18 daga
Fara á árshátíðina eftir 46 daga
Jólanna eftir 70 daga
áramótanna eftir 77 daga
Helgarinnar 25. - 27. janúar eftir 102 daga

Ég hlakka svo til, ég hlakka alltaf svo til. Allt í einu man ég ekki framhaldið.

- Júlla

p.s. Ég fann myspace síðuna hans will í nágrönnum og þar af leiðandi myspaceið hjá Katya og Rachel. Svalt! Will er sætur.

Sönn íslensk sakamál

hostage situation

2007-09-25T00:10:00.000Z

Ég er fyrirburi eins og stendur hérna efst á síðunni minni. Ég fæddist 2. júlí en átti að fæðast 19. september.
Ég hef oft velt því fyrir mér að ef ég væri ekki fyrirburi hvort ég væri ekki svona gleymin, ekki eins feimin eins og ég er, hávaxnari, ekki með svona kalda putta eða hvort ég væri með stærri haus. Það er svo margt sem ég hugsa, ætli þetta sé af því ég sé fyrirburi. En ég mun víst aldrei komast að því. Þetta er áhugavert, finst mér.

Ég hata grey's anatomy. Ég elska grey's anatomy. Tilfinningarnar sem maður finnur fyrir þegar maður eða kannski ekki maður, ég, horfi á þessa þætti... vá.. 2. þáttaröð var full af svona þáttum. Maður vill svo mikið að derek og meredith séu saman og maður finnur svo til með þeim. Ohh.

Um daginn vorum ég fanný, louis og depill að leika okkur á naustaborgum. Ég var ákaflega spennt fyrir þessu og lifði mig vel inn í leikinn, ég elti depil og henti mér í grasið til að reyna að ná dótinu af honum. Svo í eitt skiptið var ég búin að kasta mér í grasið og sat þar í smá stund bara, var orðin svolitð þreytt, fann ég allt í einu svakalega kúkalykt. Ég stend upp og sé þá kraminn kúk á grasinu og mjög svo stóra klessu á buxunum mínum og á bolnum mínum. Sem betur fer var ég í mörgum bolum og gat þá farið í ein og haft hann sem pils fyrir heimleiðna. Þetta var fyndið eftir á.

- Youleea

Meira en orð

2007-09-23T21:04:00.000Z

Ég er búin með eina viku af skólaárinu. Kennararnir eru margir skrítinir en ég vil ekki vera að nefna einhver nöfn því maður veit aldrei hverjir skoða bloggið manns. En einn er rangeygður og það vantar á hann nögl. Ein er skrítin stalker. Ein er í litlum bolum. En ég held að þetta verði allt í lagi þrátt fyrir skrítna kennara.

Ég er búin að vera með bílpróf í einn mánuð í dag. Vúhú, merkisáfangi í lífi mínu. Ég hef ekki enn keyrt hinn víðfræga rúnthring. Ég bara þori því ekki. Ég er viss um að það muni eitthvað gerast þegar ég loksins keyri hringinn. Svo ég ætla að forðast það eins lengi og ég get.

Ég er að fara til danmerkur eftir næstum því mánuð, ég og örl my görl. Ég hlakka rosalega mikið til.. Hitta badda, heiðu, andra franz, lenu mizt og bumbuna. Og svo mun helena norðmaður koma yfir til danmerkur og hitta okkur, vá hvað ég hlakka til. Svo má ég ekki gleyma honum villa, ég hlakka til að hitta hann, það verður skemmtilegt.Og auðvitað versla eitthvað fallegt.

Justin og Timbaland, félagar

- Júlía

stelpa og strakur

2007-09-12T21:01:00.001Z

Nú fer að líða að þeim tíma árs þar sem ég fer að hefja innkaup fyrir skólann því hann er að byrja eftir jú ekki meira né minna en fjóra daga eða þá er setningin. Ég hlakka til, ég get ekki neitað því en þó er það bara að versla fyrir skólann og hitta nýja bekkinn og krakkana. Og svo verða innkaupin búin og fólkið leiðinlegt þá er ekki gaman lengur en þá hef ég reyndar voröninna til að hlakka til og jólanna. Vá jólanna, þetta ár er búið að vera rosalega fljótt að líða það er ekki langt í jólin og það er kominn smá snjór í fjöllin. Ótrúlegt.

Á þessum tíma á morgun verður hún Helena systir mín komin í faðm norsku tengdafjölskyldu sinnar og kemur ekki heim aftur fyrr en um jólin, kannski. Gangi þér vel elsku helena mín, við tölum saman á skype og hver veit nema þú fáir skemmtileg vídjó frá mér aftur.

Af því Helena er farin þá er ég að upplifa núna hvernig það er að hafa ekki erlu og helenu. Það er sérstakt mér leiðist meira. En ég hef nú depil en hann er latur og já eitthvað. En erla kemur nú heim á laugardaginn en ekki hlakka ég til þegar hún fer burt í lengri tíma. Ónei. Ég verð alltaf hringjandi í hana, greyið.

Þetta er litla Lúllí hennar Freydísar, svo rosalega sæt. Sæta litla fjölskylda, ég hlakka til að sjá ykkur aftur.

- Júlía

I POOD

2007-09-04T00:49:00.000Z

Þriðjudagurinn fyrir viku var síðasti vinnudagur minn á hótel eddu. Það var sannkallaður gleðidagur. Ekki bara af því ég var að hætta, það var bara svo gaman í vinnuni. Ég elska þannig daga, síðustu þrír dagarnir voru allir þannig.
Eftir vinnu hringdi ég í fannýju og stakk upp á að við myndum nú gera eitthvað skemmtilegt í tilefni af því að vera búnar að vinna. Okkur datt ekkert ákveðið í hug fyrr en allt í einu sprettur þessi snilldar hugmynd hjá henni fannýju að fara í jarðböðin við Mývatn. Við hringdum í Sigrúnu og Helgu Rún en því miður svaraði Helga Rún ekki svo við fórum þrjár í spennandi ferðalag.
Þegar við keyrðum út úr bænum var klukkan kannski svona tíu mínútur í tíu og við vissum að það væri hætt að hleypa inn klukkan hálf tólf svo við ákváðum að búa okkur undir það að við myndum ekki ná fyrir lokun en þetta yrði þá bara skemmtilegt road-trip. Við vorum komnar langt á veg með hjálp frá kortinu sem pabbi fannýjar hafði teiknað upp fyrir okkur þegar við keyrðum fram hjá skilti sem á stóð Mývatn N. Létt panik fór í gang því við vissum ekki hvort við hefðum kannski átt á beygja þarna svo við ákváðum að snúa við og skoða þetta skilti betur. Enn þá meira panik fór í gang þegar ég öskraði á fannýju: FANNÝ STOPPAÐU! af því mér fannst hún vera að bakka út af veginum. Sem hún var ekki en höfum í huga að það var rosalega dimmt úti og þetta var óhuggnarlegt. Við komum aftur að skiltinu og lítum á veginn sem það bendir á. Það var eins og svona vegur í myndum þegar fólk stendur á gatnamótum og horfir á tvo vegi annar er bjartur og sólríkur en hinn er með tré sem mynda göng og er með visnuð laufblöð og dimmum himni. Við hringdum í kortagerðarmanninn og báðum hann um að vísa okkur veginn í gegnum símann. Þá gekk það svona rosalega vel og við vorum bara alveg að koma. Þá fór í gang æsingur af því við vildum svo mikið ná fyrir lokun. Við sáum skilti sem benti á jarðböðin og stuttu seinna vorum við komnar á bílastæðið. Ég og Sigrún hlupum inn á undan Fannýju og ég leit á klukkuna þegar við komum og hvað var hún... akkurat hálf tólf, akkurat. Í afgreiðslunni biðu okkar tveir frekar fúlir menn. Samtal okkar við þá var einhvernveginn svona:
(S= sigrún, f= fanný, V: við, m= menn)
S: Góða kvöldið
M: góða kvöldið.
S: er ekki enn verið að hleypa inn?
M: Það er nú tæpt, þið verðið bara í korter
V: Já
M: Þetta verður nú dýrt korter, fjórtánhundruð krónur.
F: Eruð þið ekki til í að lækka þetta aðeins fyrir okkur? (hún sagði þetta reyndar ekki en það var eitthvað í þá áttina)
EIN M VIÐ HINN: Ja, ég veit ekki... erum við í spariskapi?
Hinn: Ja, ef þær verða í útiklefanum
V: Já
M: Ókei..1000 krónur
Við borguðum og hlupum í klefann og drifum okkur út í. Vorum enn svolítið æstar yfir því að hafa náð og yfir öllu bara að við töluðum rosalega hátt og æst á meðan allir hinir voru frekar á rólegu nótunum.
Þetta var rosalega skemmtileg ferð, takk stelpur.

Ég ætla ekki að hafa þetta lengra

- hvað þarf mörg júl í að framleiða orku og vinnu?

For today i am a child

2007-08-14T21:09:00.000Z

Ég er búin að uppgötva eitt nýtt. Ég gerði mér aldrei grein fyrir því almennilega fyrr en í vinnunni í dag. Málið er að ég er farin að roðna óstjórnlega mikið og það við minnstu tilefni. Eins og í dag vorum við í kaffi og ég hló að einhverju skemmtilegu atviki sem ég man ekki alveg hvað var og fann bara hvað mér hitnaði í framan og ég spurði stelpurnar hvort ég væri ekki að roðna og þær kinkuðu kolli hlæjandi. Þá beygði ég með fram á borðið og fann bara hvernig roðnið magnaðist. Þetta kemur samt mest fyrir þegar ég er að hlæja en svo líka þegar ég er bara að segja frá einhverju og er búin að vera að því svolítið lengi og svo auðvitað á vandræðalegum stundum eins og með kærasta Helenu, Kittil, um daginn en það var ekki beint atvik til að roðna ofur mikið út af. Ætli þetta sé byrjunarstig á því sama og stelpan í grey's anatomy var með?
awkward...

annað nýtt sem ég hef uppgötvað. Ég er bara eiginlega alltaf, undantekningalaust, alltaf með plummer í vinnunni. Þegar ég beygi mig niður ekki þegar ég stend en þó munar ekki miklu þegar ég stend. Skrítið.

Ég get ekki sett myndir skil ekki af hverju, ég verð að kynna mér þetta.

Lou, Logan eða kannski Taylor?

- Júlía

p.s. Ef þú skoðar síðuna vel þá tekur þú ef til vill eftir lítillri en þó skemmtilegri breytingu....

303

2007-08-09T19:23:00.000Z

Þetta er mitt fyrsta blogg sem ég geri í minni eigin litlu, hvítu apple fartölvu! Það er rétt ég er búin að kaupa mér fartölvu. Hún var sú síðasta sem var til í gær og ég fékk hana. Vá vá vá hún er svo flott og ég er svo ánægð með þessi kaup mín. Ég held ég muni vera í tölvunni á hverjum degi núna það sem eftir er. Ohh hún er svo flott. En það er eitt vandamál, hún hefur ekkert nafn. Lesandi, komd þú með uppástungu að nafni, karlkyns eða kvenkyns og hver veit, þín uppástunga gæti verið nafn minnar fallegu tölvu.
Þá er ég búin að tilkynna þetta og ætla að reyna að setja hérna inn eina myndasögu sem ég gerði í gær. Ég er þar í öllum römmum nema einum og ber hú nafnið: Hvað kom fyrir Júlíu? Gjöriði svo vel...

Ég get það ekki. Þið fáið vonandi að sjá hana seinna.

- Julie apple

oreo

2007-07-26T16:57:00.000Z

Það var maður á hótelinu í dag. Hann labbaði fram hjá mér og HRÁ á leið okkar í lyftuna því við vorum að fara að þrífa hana, þegar hann var kominn fram hjá sagði ég við HRÁ: mmm fannstu lyktina? nei hún fann hana því miður ekki. Hún var mjög góð. Svo þegar við erum inn í lyftunni pantar einhver hana upp á aðra hæð. Hurðin opnast og þar er vellyktandi maðurinn.
M: Má ég fara með upp á 6. hæð
JK&HRÁ: Já auðvitað (brostum fínum brosum því hann var ekki bara vellyktandi heldur myndarlegur líka.)
M: Er þrífa lyftuna dagur í dag?
JK&HRÁ: Hah já
Við dáleiddumst af vinalegri röddu, góðri lykt og fríðleika mannsins og lugum að honum, því auðvitað vissum báðar að lyftan er þvegin á hverjum degi.
Þetta lífgaði upp á vinnudaginn, það þarf mjög lítið til að lífga upp á vinnudaginn. Góð lykt getur bjargað deginum.

Blóm í myrkrinu

Systur fyrir árshátíðina 2006

- Julia Gulia

ingo-man

2007-07-17T20:39:00.000Z

Ég veit ekki hvað ég á að blogga um. Það sem ég geri á daginn er að vinna og kem heim, borða, fer að sofa og fer stundum í sund. Svo ég ætla bara aðeins að tala um hótelið. Þar erum við hið alræmda tríó að vinna saman, JK, FHH, HRÁ. Við syngjum saman, aðallega ég og FHH samt en stundum tekur HRÁ undir, það er ofboslega gaman. Vinsæl lög hjá okkur eru cry to me, stand by me og í dag tókum við eitt nýtt, elephant lovemedley, það vakti mikla lukku og einn eldri maður blikkaði FHH í þakkarskyni og út af einhverri annarri ástæðu ef til vill. Úje.

Ég lenti í skemmtilegu áðan þegar ég fór í hraðbankann. Ég setti kortið mitt í og þá kom í hornið nafnið mitt. Svo þegr ég var að taka kortið mitt út kom: Takk fyrir viðskiptin, Júlía
Allt í einu á ég persónuleg samskipti við hraðbankann. Hah

Spinaker

Ég og Fannar að leika okkur í lestinni, konan
inn á milli greinilega afbrýðisöm

Erla og Fannar að leika sér

Lamadýr með framstæðar neðritennur að kúka

London beibí...

Ég er að spá í að fara að mála mig alltaf geðveikt mikið og setja stút á varirnar þegar það eru teknar myndir af mér. Hvernig líst ykkur á?

- Júlla

i know how to do it insane

2007-07-10T19:17:00.000Z

Mér fannst eins og ég þurfti að koma með nýtt blogg en ég veit ekki af hverju þar sem það virðast bara tvær eða þrjár manneskjur lesa bloggið mitt.

Ég lennti í svolitlu skrítnu á msn um daginn sem stendur eiginlega enn þá yfir. Það var einhver sem hafði addað mér inn á msnið sitt og ég þurfti bara að ýta á ok eða eitthvað en ég vissi ekkert hver þetta var svo ég gerði það ekki... En svo allt í einu gat þessi manneskja talað við mig. Hún byrjaði að tala sænsku. Ég skildi ekkert og svaraði því bara á íslensku. Hún fattaði að það var eitthvað sem passaði ekki og fór að tala ensku. Þá kom það í ljós að þetta er ellefu ára stelpa sem býr í svíþjóð og ætlaði að adda vinkonu sinni sem heitir julia karlsen inn á msnið sitt.
Eftir að þetta kom í ljós hélt ég að misskilningurinn væri bara leiðréttur og hún mundi ekki tala við mig aftur en nei, svo var ekki. Hún kom aftur nokkrum dögum seinna og spurði hvort ég vildi vera vinkona sín. Ég vissi ekki hvað ég átti að svara og man því miður ekki hverju ég svaraði greyinu. Svo spurði hún: Do you want oscar? ég auðvitað vissi ekki hvað hún meinti mér þessari spurningu og endurtók hana. hún svaraði bara: yes svo ég sagði einfaldlega: i don't know what you mean.. hún: okay.
Núna einmitt í þessu augnabliki blikkar msn samtal hérna niðri á bláabandinu og það er hún emma. Spurja mig hvort ég hafi gaman af Justin og hvort ég sé með webb. Hvað meinar þetta barn? af hverju er hún að tala við mig? Greyið.
Daginn ég var að segja bless við þessa stelpu núna rétt íþessu...
júlía says:
bye bye
Det är bara vi två tillsammans Linn Inkerö says:
bye bye we see you later
Hverjir eru we? og see you later... ég held að við séum ekki að fara að sjást mikið.. skrítin stelpa

Við systur að eiga góða stund með Justin.

- Júlía

átta bak

2007-06-30T18:17:00.000Z

Ég get eiginlega ekki sagt hvernig var á justin... Það eru ekki til nógu góð orð til að lýsa þessari góðu stund sem við áttum saman.

Takk fyrir ferðina systur mínar, þetta var ótrúlega skemmtileg ferð og ég er til í að fara í aðra systraferð.

Ég veit aldrei hvað ég á að blogga um þessa dagana, leiðinlegt.

ég ætla bara að setja inn myndir eða mynd, það kemur í ljós.

En ég ætla að segja það þó svo að erla hafi smá eyðilagt með kommentinu sínu á síðustu færslu af því ég ætlaði að taka það fram núna að lyktin er bara í fjölskyldunni, góða lyktin sem ég hef reynt að finna er hérna rétt handan við hornið því það er hann Vilhelm Ernir sem notar þessa lykt! þvílík tilviljun segi ég. Kannski ég fari bara að nota þessa lykt..

Eins og maður þekkir hann best...

Ég vil að minn framtíðar eiginmaður verði eins vaxinn og þessi lengst til hægri.

- Júlla

mígandi

2007-06-18T18:34:00.000Z

Ég elska þegar ég labba inn í herbergi á hótelinu og það tekur góð lykt á móti mér. Góð karlmannsilmvatnslykt.Mmmmm. Ég fann hana aftur í dag sem ég fann á hótelinu í fyrra, vá hvað hún er góð. Eins og síðast var ég alltaf að fara út úr herberginu og aftur inn í það til að finna þessa (get ekki fundið rétta lýsingarorðið) lykt aftur. Mmmmm.m. Þetta hlýtur að vera vinsæl lykt first ég hef fundið hana tvisvar. Ég ætla að gera mér það að markmiði að finna hana í ilmvatnsbúð og biðja um prufu.

4 dagar beibí!

- Júlía, sem kemur bara með stutt blogg.

Neun

2007-06-13T12:22:00.000Z

Hi my name is Bob and I work at my job

I make forty-something dollars a day

Þetta er rosalegt, aðeins níu dagar. Ég get ekki beðið og ekki hann heldur.

Ég bara get ekki hugsað um neitt annað í augnablikinu svo that is all.

Lifið heil,
Sjúl Vörn

Oh happy day

2007-06-06T17:27:00.000Z

Þetta lag minnir mig á sister act 2.

Gleðiblogg eins og ég var búin að segja.
Í dag klukkan 10:05 var ég búin með síðasta prófið mitt í fyrsta bekk. Ég er búin með fyrsta bekk.. mér finnst það svolítið skemmtileg tilhugsun. Á morgun eftir hádegi verð ég búin að fá að vita einhverjar einkunnir. Það er stressandi, sérstaklega félagsfræði... hvað geri ég ef ég fell í félgsfræði? Ég sem ætla víst á félagsfræðibraut? Það væri nú rosalega leiðinlegt ef ég mundi vera svo óheppin að falla. En við skulum öll biðja til guðs að það muni ekki gerast.

Ég byrja að vinna þann 16. júní sem þýðir að ég er í fríi í heila tíu daga, það er afar ljúft. Hef ekkert að gera á daginn, ljúft. Get sofið út, ljúft.. allt ljúft.

Eftir 16 daga fljúgum ég, erla og freydís(helena flýgur á laugardeginum) út til kaupmannahafnar. Mikið rosalega hlakka ég til að horfa á Justin syngja my love til mín...

- Julie

Hvað syngur í þér?

2007-06-02T18:17:00.000Z

Hér fyrr í dag fletti ég léttilega í gegnum samheita orðabók erlu systur minnar. Það var mjög fróðlegt. Fyrst rakst ég á orðið tvítóli, samheiti þess var hommi. Því næst fletti ég upp á orðinu hommi.. Eftirfarandi orð eru samheiti þessa orðs..
aftaníoss, attaníoss, bakkari, bakvaktarmaður, bakvörður, bossi, brútus, krókur, kynvillingur, pitlari, rassmus, sauri, tvítóli, öfuguggi.
Þetta eru þónokkuð mörg orð. Og flest þeirra hef ég ekki heyrt, það er að segja þar sem merking orðsins á að vera hommi eins og til dæmis aftaníoss, bakkari og rassmus.. Maður fer kannski aðeins að efast um rassmus bækurnar..

Kun 2 próf eftir.. og 4 dagar þangað til þau eru búin. Jess!

Ég ætla að setja með rigningarmyndir frá danmörku í fyrra sökum þess hversu rigningarlegt er búið að vera í allan dag..

Baddi í rigningunni

Helena í rigningunni

Júlía í rigningunni

Erla að bölva rigningunni

- Danke schön, Schulie

yoko jakamoko toto

2007-05-30T14:51:00.000Z

Ég er að fara í ensku próf á morgun. Ég er að reyna að klára glossary.. auðvitað nenniég ekki að leita að orðunum með því að fletta þeim upp... ég geri það frekar á netinu. Og einmitt á orðabók.is tók ég eftir svolitlu skemmtilegu..
Gjafabréf fyrir ordabok.is er falleg fermingargjöf, útskriftargjöf, afmælisgjöf og ástargjöf. Prentaðu út gjafabréf sem ordabok.is útbýr fyrir þig, ásamt persónulegri kveðju frá þér.
Þetta kæri vinur mátt þú gefa mér. Þetta er alveg greinilega hin fullkomnagjöf og hentar vel í allt, meira að segja sem ástargjöf.. Hver vill ekki fá gjafabréf fyrir orðabók.is til dæmis á valentínusardaginn? Égmundi vilja það.

Vinkona mín og Erlu sem við kynntumst úti í London

Sól í augu

My love

Systur

- Djúlí Cooper

29

2007-05-24T19:05:00.000Z

Það er fjöldi kílógramma sem hann Depill minn ber utan á sér. Hann fór í dag til dýralæknisins til að fá sprautu og var viktaður í leiðinni.. Þá var það bara staðfest, hann er feitur. En ég er búin að sætta mig við það af því að hann lítur ekkert út fyrir að vera feitur. Ég er viss um að það sem stendur um hans tegund sé bara rugl..Þyngd:U.þ.b. 22.5 kg það var ekki reiknað með hundum eins og Depli.

Ég er að byrja í prófum á morgun... Danska.. svo stærðfræði á þriðjudaginn... svo enska á fimmtudaginn... svo íslenska á föstudaginn...svo félagsfræði á mánudaginn... svo þýska á miðvikudaginn og þá tekur gleðin og sumarfrí við.
Þá ef til vill kem ég með gleðiblogg það er að segja ef mér gengur vel í prófunum sem við skulum öll vonast til.

Fanný og Kristín hamingjusamar í jarðfræðiferð.

- Júlía

Hyper-ballad

2007-05-20T17:21:00.000Z

Ég skil ekki af hverju alltaf þegar ég er búin í sturtu þá fær toppurinn minn þá tilhneygingu að skiptast í miðju. Bara alveg sjálfur og óstuddur.

Annað sem ég skil ekki. Fiskurinn minn kæri hann Herbert. Af hverju hann er enn á lífi. Hann hefur nefninlega verið að leika sig dauðann í svona mánuð. Ég kem niður í herbergi og hann flýtur bara efst. Ég hugsa: æi er hann dáinn núna... labba að búrinu, banka í það en nei hann syndir glaður áfram. Eða þá hann syndir stutt og flýtur svo aftur upp. En í eitt skiptið þá bankaði ég og hann hreyfði sig ekki neitt og þá hugsaði ég: ókei... núna er hann alveg dáinn.. og fór upp og ætlaði að segja helenu fréttirnar. Við löbbuðum niður og opnuðum inn í herbergi til mín þá synti hann þarna glaður um eins og hann ætti heiminn. Hann er reyndar hættur að gera þetta núna því ég var að skipta um vatnið hjá honum. Kannski gerði hann þetta svo ég mundi skipta um vatn hjá honum.. Kannski eru gullfiskar gáfaðari en maður heldur..?

Svona er hann oftast..

En svona var hann!

Depill var í klippingu. Hann er núna eins og hann sé með skalla. Eða hann er líka eins og prins valíant. Af því eyrun voru klippt og það er bara bein lína. Greyið.. ég er reyndar búin að venjast því núna en mér brá heldur mikið þegar ég sá hann á föstudaginn eiginlega ekki með neinn feld.

- c 6 ðggybanav rittódslrak aílúj

p.s. ég er búin að setja einhverjar myndir inn á sameiginlega myndasíðu okkar stelpnanna... en það er spurning hvort það virki og sjáist... spennandi. Þið verðið bara að copya þetta ef þið viljið skoða... ég kann ekki að gera þetta svona blátt..
http://www1.snapfish.com/thumbnailshare/AlbumID=161025193/
a=95071214_95071214/fromupload=true/t_=95071214

Kiddi

2007-05-17T19:11:00.000Z

Góður gaur?

Haben Sie Tomaten aus Biologischem Anbau?
Ja, ganz ohne Dunger!
Gut, das nehme ich.

Ég var í munnlegu þýskuprófi.
Það gekk ágætlega.

Íkorni sem ég hitti í London... hann er góður gaur.

Smjörfluga

Bítla systur

- Júlía

2007-05-14T18:23:00.000Z

Ég þoli ekki að Karl í nágrönnum er læknir fyrir allt. Ef einhver persónanna þarf að fara til læknis þá fer það til hans. Hann er sko krabbameinslæknir, heimilislæknir, fæðingalæknir og bara allir lækniar í heiminum. Hann hefur aldeilis verið metnaðarfullur námsmaður hann Karl.

Ég fór í göngutúr með Depil áðan og þar hittum við þrjár stelpur sem vildu ólmar klappa depli en þorðu því ekki. Svo komu mamman og pabbinn og þá þorðu þær nema ein hún hélt sig svona frekar úti í horni. Svo ætlaði pabbinn að vera góður við dóttur sína og hélt á henni og beygði sig niður hjá Depli en stelpan byrjaði að hágráta. Ég held að maðurinn hafi skammast sín svolítið, hann reyndi að segja eitthvað við mig um leið og hann labbaði í burtu en ég heyrði því miður ekki hvað það var.

एग वेइत एक्की ह्वाद एग अ अद सेग्जा।

Það væri eiginlega svolítið leiðinlegt ef einhver gæti lesið þetta.

cupcake sem ég keypti í London... it was good

- Aílúj

Kalkúnn

2007-05-11T18:38:00.000Z

Ohh erla segir að ég hafi kannski bara drepið síðuna mína með bloggleysu í einn mánuð.. ég held það sé rétt hjá henni. En ég bara skil ekki hvað hefur komið yfir mig. Ég man aldrei hvað ég ætla að blogga um og ef ég blogga þá er það eitthvað lélegt.
! Það eru aðeins 42 dagar þangað til ég flýg út til Danmerkur og þangað til hún Kristín vinkona mín á afmæli. Ójá... ég hlakka til. Við erum meira að segja með pöntuð sæti í flugvélinni.. hversu svalt er það?
Ég hef komist að því að Depill laðar að sér allskonar fólk.. lítið sem stórt... hreint sem óhreint. Það var ein lítil stelpa í dag sem var að borða candy floss og var með afar klístraðar hendur en hún reddaði því og sleikti á sér hendina og klappaði depli svo á hausnum. Svo labbaði hún í burtu.
Ég er að verða búin með fyrsta árið mitt í Menntaskólanum á Akureyri. Ég er svolítið hrædd. Ekki við það að klára fyrsta árið heldur við prófin og að byrja á nýrri braut svo á næsta ári það er að segja ef ég næ prófunum sem ég vona að ég geri. Það er spennandi að sjá hvað framtíðin ber í skauti sér.
Hey lesandi.. sem er að öllum líkindum bara hún örl my görl ég er með verkefni handa þér... A man takes off his clothes and pushes them through the letterbox of a house. Komdu með góða útskýringu af hverju maðurinn gerir þetta og láttu hana vera þannig að ég hugsi jaá auðvitað fer hann úr fötunum og stingur þeim inn um bréfalúgu...
Danke.

- Júlía

Do you know where the fuck you are?

2007-04-20T15:54:00.000Z

Ég nenni ekki að setja inn myndir vegna þess hversu asnalegt blogspot er. En kannski geri ég það seinna, hver veit..

Það er samt eitt sem ég elska við blogspot... Þökk sé Anupama og Nitin get ég nú bloggað á Hindi! Svo ég ætla ekki að sóa neinum tíma og byrja núna strax.

ई मोस्ट सर्तेंल्य ब्लेव इत थिस टिम॥ ई फोर्गोत अ बिर्थ्दय तो दय॥ बुत ई मदे इत उप तो हिम ब्य
what थे ई मोस्ट सर्तेंल्य दो नॉट ई थिस सुच्क्स ई वास इन बीप टेस्ट ऎंड ई दीद नॉट दो अस वेल्ल अस लास्ट टिम, ई ओनली गोट ९ । ४ बुत लास्ट टिम ई गोट १०। १ स्तुपिद ई कैन'त रेमेम्बेर वहत ई व्रोते हियर अबोवे ऎंड ई ऍम नॉट एक्की अद गा अद तवी अफ ह्वेर्जू वर एग अल्ल्ताफ अद स्क्रिफा अ इंस्कू? एग ठुर्फ्ती ठेस एक्केर्ट हाहा व ओर्दीन स्त्य्त्तास्त ठेगर थू ब्रेय्तास्त ई हिंदी । एग नेंनी एक्की अद स्क्रिफा लेंगुर अ हिंदी। एग हेल्ड एग वेर्दी अद ब्लोग्गा अल्ल्ताफ ई स्कोलानुम फ्राम्वेगिस वेगना ठेस अद तेत्ता नेर अल्ल्ताफ सम्बन्दी विद ब्लागस्पाट हेर्ना।

Ég er ekki hætt að blogga það er bara talvan eða eitthvað heima nær aldrei sambandi við blogspot svo ég er farin að halda að ég verði bara að blogga alltaf í skólanum... frábært. ÉG veit ekki hvað ég á að segja af því að ég er í skólanum.

- जूलिया

Peysa úr lamaull? ekki lam-aull heldur lama-ull

2007-03-29T18:10:00.000Z

Kannski. Hengirúm úr öllum regnboganslitum? Já! Og aðeins um það bil 17 dagar í þetta allt. Ég hlakka mikið til.

Ég hef verið í svo góðu skapi undanfarna daga. Ég held að ástæðan fyrir því sé sú staðreynd að ég fer til London eftir aðeins ör fáa daga. Núna í dag eru aðeins tveir dagar þangað til. ú é beibe!

Ég fór í hverfisbúið gettósins um daginn og sá að þar var hægt að kaupa svona 48 hour dvd. Hvað gerist eiginlega við diskana eftir tvo sólarhringa? Kemur bara ein risa stór rispa sem veldur því að maður getur bara ekki horft á myndina aftur eða sprengist diskurinn bara í loft upp? Þetta langar mig rosalega til að vita.

Ég held ég muni ekki koma með annað blogg fyrr en eftir heimkomu mína frá London og ég kem heim þann 8. apríl næst komandi svo þangað til einhverntíman þá... Veriði sæl

- Júlía

20

2007-03-24T17:24:00.000Z

20 er merkileg tala. 20 ár er aldurinn þar sem flestir útskrifast úr Menntaskólanum á Akureyri og auðvitað fleiri skólum og þegar maður er 20 ára má kaupa áfengi í áfengis og tóbaksverslun ríkisins. En núna hefur talan 20 fengið nýja merkingu. Því þetta blogg sem þú ert að lesa núna er 20. blogg jarmunds. Til hamingju. Til að fagna því ætla ég að reyna að setja myndirnar sem áttu að vera í síðasta bloggi inn á.

eineggja tvíburar.

Liger... my favorite animal

Utila

2007-03-15T17:16:00.000Z

Það er gaman að hlusta á plötur, ég var að því núna rétt áðan. Ég komst að svolitlu í sambandi við plötuhlustun.. Maður getur heyrt hljóð þó maður sé ekki með hljóðið á í gegnum hátalara eða heyrnatól það kemur bara hljóð frá plötunni sjálfri.. Fattiði? Þetta þykir mér afar merkilegt.

Ég hef engu gleymt þó að ég tali ekki um það og láti sem ekkert sé.. Þetta er textabútur úr einu lagi sem ég var að hlusta á áðan.. en hvaða? Endilega giskið ekki samt eyðileggja með því að giska strax á rétt svar. Þið megið fyrst giska á vitlaust en svo komiði með það...

Ég elska þegar eitthvað gerist sem gerir mann glaðan og svo þarf maður bara að hugsa um þetta og þá verður maður ósjálfrátt glaður eins og til dæmis að ég sé að fara til London eftir 16 daga.. Það gerir mig glaða.. Vúhú!

Ég ætlaði að reyna að setja myndir en það er alltof lengi að koma og ég nenni ekki að bíða af því ég er hrædd um að þá mun þetta ekki ná sambandi við blogger.com svo ég hef myndir í næsta bloggi....é

- Júlía

It goes like this ho ho ho ho

2007-03-12T18:49:00.000Z

Ég er komin afar nálægt því að hata blogspot.

Mig langar til að reyna að koma með eitt blogg á þýsku. Það væri gaman en ég held ég gæti það ekki en vá allt í einu fannst mér eins og ég hafi talað um þetta áður. Ég held það meira að segja. Kannski þá enn meiri ástæða til að koma með eitt blogg á þýsku, ha?

í dag eru nítján dagar í Londonferðina. Ég hlakka svo til....Ég hlakka alltaf svo til.

Ohh ég veit ekki hvað ég á að blogga um ég bara þurfti að setja eitthvað hérna inn af því að það er næstum því mánuður síðan ég bloggaði síðast. Það er tvennu að kenna.. Númer eitt: það næst aldrei samband við blogger.com og númer tvö: Ég gleymi stundum að ég eigi bloggsíðu.. Vá hvað það er alls ekki nógu gott. Ég nenni ekki að segja meira..

- Júlía

maoam

2007-02-17T17:46:00.000Z

Sannleikurinn særir..

Því komst ég svo sannarlega að þegar ég var á göngu með Depilinn um daginn. Við vorum að fylgja Fannýju heim og þá hitti ég eina af mínum bekkjarsystrum. Hún segir: Æi, sætur voffi.. klappar honum og spyr svo: Er hann pínu feitur?
Þá rann það upp fyrir mér..Það er satt sem mamma hefur verið að segja við hann í laumi.. hann er feitur.. feitilíus. Ég varð eiginlega smá svekkt. Þá fór aðeins að pæla í hlutunum.. Horfði á hann þegar hann labbaði þá fór maginn svona doing doing, hreyfðist til hliðanna þegar hann labbaði. Ohh greyið ég nei ekki ég móðir og faðir verða að hætta að gefa honum mannamat. Ég á engan þátt í því að hafa gert hann feitan, greyið.

Mig er búið að dreyma núna tvisvar í röð að einhver sem ég þekki deyr. Og þau dóu bæði eftir að hafa dottið einhvernveginn. Ég er orðin svolítið hrædd.

- Schulie

you're unbelieveable

2007-02-11T20:00:00.000Z

þessi titill á við marga.

Á þessu ári er búið að ákveða tvær utanlandsferðir. Sú fyrri er núna í endann í mars en þá fer ég um páskana til London með mömmu, pabba, erlu, freydísi, atla og fannari. Af hverju fer helena ekki með? velta kannski einhverjir fyrir sér.. jú það er út af því að hún verður held ég enn úti í suður ameríku. Þessi ferð mun vara í 8 daga og gistum við á 4 stjörnu hóteli. Reyndar veit ég ekki alveg hverju ég á að trúa vegna þess að við vorum að skoða myndir af hótelinu í dag og þar stóð sumstaðar að það væri 2 stjörnu og á öðrum stað 3 stjörnu og svo annars staðar 4 stjörnu..skrítið. Ég og Mulic munum vera saman í herbergi.. vá hvað það verður gaman. Við eigum pantaða ferð í the great eye þann 2. apríl klukkan hálf ellefu. ójá, pabbi bara pantaði miða í það í dag á netinu.. haha.

Seinni ferð mín er eins og ég hef minnst á áður ferð okkar systra til Danmerkur þar sem JT bíður okkar. Váááá hvað ég hlakka til. Ég fer alltaf í geðveikan fíling og tilhlökkunar skap þegar ég hlusta á hann.. Þetta verður ótrúleg ferð. Einnig í þeirri ferð mun ég hitta badda, heiðu, andra og lenu svo það má segja að ég á eftir að slá tvær flugur í einu höggi.. vúhú, nice one Júlía.

- Júlía T.

p.s. ég gat ekki annað en haft myndina með..

(G)OTH

2007-02-05T18:35:00.000Z

Ég hef þrisvar sinnum farið á leiksýningu þar sem á einhverjum tímapunkti í sýningunni verður einhver eða allar manneskjurnar naktar. Alltaf bregður mér jafn mikið.

Ég þori ekki að gera löng blogg af því kannski seivast þau ekki svo ég ætla bara að hafa eina mynd og segja þetta gott...

Ég og Helena á góðum degi að gera haka(r?)krossinn.

- Júlía Gúlía

I used to do a little but the little wouldn't do it so the little got more and more

2007-01-21T21:39:00.000Z

Þetta er alls ekki að virka, samband mitt við blogspot. Enn ég ætla ekki að gefast upp. Ég er búin að reyna svona 10 sinnum, í alvörunni reyna að birta eina færslu. En aldrei tekst það, það kemur alltaf: Couldn't connect to blogger.com saving and publishing might fail. Try connection now. En ég ákveð að reyna að birta færsluna þá kemur bara auð síða. Ömurlega ógeð.

Ég verð búin með prófið á morgun, Jibbí jibbí jei!
frí, jibbí jibbí jei!
fer kannski suður um helgina, jibbí jibbí jei!

Ég vil ekki hafa þetta lengra af því lengur sem ég bíð því meiri er áhættan að það næst ekki samband...

- júlía

Sálufélagi

2007-01-08T17:35:00.000Z

Ég lendi oft í því þegar ég er í gönguferð með Depli að ég mæti fólki sem gerir svona:
Sæll kallinn, klappar honum smá og svo kemur svona lemm á magann pínu fast en samtu ekki auðvitað. Á meðan á þessu stendur lítur fólkið ekki á mig, bara Depil. Eins og Depill sé vinur þeirra sem er einn í göngutúr og þau mæta honum einum.

Auglýsingar. Ég hélt að markmiðið með þeim væri að kveikja löngun hjá fólki til að kaupa vöruna sem verið var að auglýsa. Það er augljóslega ekki markmiðið hjá bki kaffi. Auglýsingin er þannig að það er maður á hestbaki og það eru fullt af hestum í kringum hann og síðan allt í einu sest hann niður að drekkur kaffi. Svo kemur í endann: Er bki kaffi besta kaffi á íslandi? - hvað finnst þér? Svo er önnur auglýsing sem fer í taugarnar á mér, t2. Það er verið að hella drykknum í glas og svo allt í einu eru sítrónurnar sýndar vera að hoppa í vatninu eins og höfrungar. Ha? Svo sjást perurnar hvergi fyrr enn í endann. Hvað meiniði auglýsingagerendur..

Jæja nóg komið af kvörtunarorðum. Það er komið að því.. Andlit Jarmunds 2007 er............

Bobbi!!!

Til hamingju vinur. Bobbi vann með 4 atkvæði af 7. En svo fékk Friðvin 1 og Aðils 2.

Takk fyrir okkur,

Bobbi og Júlía

Jarmundur?

2007-01-02T21:27:00.000Z

Þá er komið að því kæru landsmenn, Andlit Jarmunds 2007. (Það getur ekki lengur verið 2006 -2007 af því ég beið svo lengi með þetta. hehh..)

Keppandi númer 1:

Bobbi - Hefur gaman af útivist og að ferðast. Vill mest af öllu fá heimsfrið.

Keppandi númer 2:
Friðvin - Vinur friðar

Keppandi númer 3:
Aðils - getur ekki talað.

or implode

2006-12-23T23:53:00.000Z

Mér þykir leiðinlegt að þurfa að færa ykkur þær fréttir að þetta blogg mun ekki innihalda myndir af keppendum fyrir andlit jarmunds 2006 - 2007 vegna þess einfaldlega að á morgun er aðfangadagur og ekki mun ég blogga þá en ég var að koma með eitt blogg fyrir jólin. Æi, mér finnst þetta mjög leiðinlegt að segjast gera eitthvað en geri það svo ekki. Ég er sko byrjuð á blogginu með keppendunum en ég náði ekki að klára það og bla bla bla. Það kemur vonandi á milli jóla og nýárs.

Jarmundur vill óska öllum lesendum sínum nær og fjær gleðilegra jóla og farsældar á nýju ári með þökk fyrir líðandi ár.

- Júlía Karlsdóttir